-Almmuhus-
-Almmuhus-
-Almmuhus-
OĐĐASATGáibidit oadjebasvuođa go idjadit hoteallas

Gáibidit oadjebasvuođa go idjadit hoteallas

-

-

Olbmot, geain lea lossa gullu ja leat idjadeame hoteallas ja eará idjadanbáikkiin, eai sáhte oađđit oadjebasvuođas go idjadanbáikkiin eai leat rusttegat mat dieđihit buollima olbmuid várás geain lea heajos gullu. Finnmárkku HLF searvi gáibida rievdadusa.

Iežaset ruovttuin sáhttet olbmot, geain lea lossa gullu, oažžut veahkkeneavvuid NAV:s mat sparaidemiin dieđihit jus viessu buollá. Dakkár rusttega eai sáhte dál bidjat oktii buollindieđihanrusttegiin mii lea hoteallain ja idjadanbáikkiin.

HLF Finnmárku

HLF Finnmárku lea okta dain 19 fylkkaservviin mii lea mielde HLFas (Hørselshemmedes Landsforbund). HLF lea Norgga stuorámus searvi olbmuide geain leat vuolit doaibmannávccat ja leat 62 500 miellahttu searvvis.

Norgga álbmogis leat 14,5 proseantta geain lea juogalágan sivva guluin mii váikkuha árgabeaivvi, nu movt sosiála isoleren ja jávkan skuvllas ja bargoeallimis.

Meroštallo ahte jagi 2020 leat birrasii ovtta milliuvnna olbmot Norggas geain lea hástalus guluin.

Dieđut: HLF

 

Gáibidit rusttega idjadanbáikkiide

Plána- ja viessolága ođđa teknihkalaš láhkaásahusas, TEK17, lea evttohuvvon ahte hoteallain sáhttá leat sparaidandieđiheapmi, muhto ii leat gáibádussan ahte lea optihkalaš dahje sparrandieđiheapmi.

Guluhis olbmot, geat váldet gullanrusttega eret bealjis go mannet nohkkat, dárbbašit sparaidandieđiheami oađidettiin. Seammás ferte leat optihkalaš dieđiheapmi, nu movt čuovga mii šleađgu, vai sis lea seamma sihkarvuohta go earáin.

– HLF Finnmárku gáibida ahte ráđđehus váldá ášši duođas ja lokte sihkarvuođa guluhis olbmuide hoteallain ja idjadanbáikkiin. Hoteallain fertejit leat lanjat main lea sparaidan- ja optihkalaš buollindieđiheapmi mii lea gitta idjadanbáikki buollindieđihanrusttegis. Dat ferte leat mielde teknihkalaš láhkaásahusas (TEK17).

 

Norga lea geatnegahttán čuovvut vealahan- ja beasatlašlága, ja ratifiseret ON-konvenšuvnna olbmuid rivttiid ektui geain leat vuolit doaibmannávccat (CRPD), vai sihkkarastet ahte guluhis olbmot leat oadjebasat ja ahte eai dovdda vealaheami.

-Almmuhus-