-Almmuhus-
-Almmuhus-
-Almmuhus-
OĐĐASATGáibidit buoret bargo­eavttuid Vuotna­guolástan­lávde­goddái

Gáibidit buoret bargo­eavttuid Vuotna­guolástan­lávde­goddái

-

-

– Ii leat dohkálaš ahte Vuotnaguolástanlávdegottis eai leat bargoeavttut mat sihkkarastet ahte sii sáhttet dahkat dan barggu masa sis lea váldi, oaivvilda Sámediggi ja Romssa ja Finnmárkku fylkkagielda.

Fylkkagielda ja Sámediggi nammadit miellahtuid Vuotnaguolástanlávdegoddái, geat barget nannet vuotnaguolásteami hálddašeami, mas lea vásedin deaddu sámi geavaheapmái ja dan mearkkašumis sámi báikkálašservvodahkii. Lávdegottis lea Guolástandirektoráhtas čállingoddedoaibma, okta bargi gii lea goalmmádasvirggis. Čállingoddedoaibma ii bargga sorjjakeahttá direktoráhtas.

– Sámediggi lea máŋgii namuhan dán. Leat geahččalan čalmmustahttit Vuotnaguolástanlávdegotti bargoeavttuid váttisvuođaid, ja mii sávvat dát váldo duođalaččat, dadjá sámediggeráđđi Silje Karine Muotka (NSR) fylkkagieldda preassadieđáhusas.

Romssa ja Finnmárkku fylkkagielda ja Sámediggi lea ge dan dihte sádden reivve Ealáhus- ja guolástandepartementii, Stuorradikki ealáhuslávdegoddái ja Guolástandirektoráhtii, mas čujuhit ahte Vuotnaguolástanlávdegottis fertejit leat doarvái čállingodderesurssat vai nákcejit doahttalit iežaset válddi ávddalaš vugiin.

Rollačielggadeami dárbu

Lávdegoddái lea hui dehálaš ahte čállinlávdegoddi veahkeha Vuotnaguolástanlávdegotti strategalaš, fágalaš ja politihkalaš bargguin, čanakeahttá hálddašeami oainnuide áššiide maid lávdegoddi gieđahallá. Gullá earret eará áššiide nu go muddenáššiide, áššeráhkkaneami dulkomii, áššemearrádusa ovddideapmái, áššemearrádusaid čuovvoleapmái, ja vejolašvuhtii ovddastit lávdegotti, čuožžu Sámedikki ja Romssa ja Finnmárkku fylkkagielda reivves. 

Resurssat váilot

EANET RESURSSAT: Fylkkaráđđi Bjørn Inge Mo deattuha man dehálaš lea ahte Guolástanlávdegoddis lea čálli olles virggis. Vuorkágova govven: Inga Marie Guttorm.
EANET RESURSSAT: Fylkkaráđđi Bjørn Inge Mo deattuha man dehálaš lea ahte Guolástanlávdegoddis lea čálli olles virggis. Vuorkágova govven: Inga Marie Guttorm.

Go čállingodderesurssat váilot de lea maiddái hástaleaddji gávdnat kandidáhtaid geat háliidit leat lávdegottis. Romssa ja Finnmárkku fylkkagielda ja Sámediggi oaivvildit ahte danne lea ge dehálaš ahte Guolástanlávdegottis lea čálli olles virggis ja ahte addo vejolašvuohta veahkehit lávdegotti beroškeahttá hálddašeami láidestusas.

– Go eanetlohku Stuorradikki ealáhuslávdegottis adde iežaset árvalusevttohusa dán jagáš stáhtabušeahta juolludeami birra (Innst. 8 S (2019-2020)), de ovddiduvvui dárbu nannet vuođđogelbbolašvuođa ja lasihit báikkálaš mielváikkuheami báikkálaš máddodagaid hálddašeamis. Dás lea ge Guolástanlávdegottis dieđusge rolla. Ráđđehusa maiddái sihte geahččat vejolašvuođaid ásahit álggahanprošeavtta, mas guolástandutkamušruhtadeapmi geavahuvvo nannet guvllolaš mearraresursahálddašeami, loahpaha fylkkaráđđi Bjørn Inge Mo (Bb).

-Almmuhus-