-Almmuhus-
OĐĐASAT Gáibidit buhta­dusa vuojá­hallan bohccuid ovddas

Gáibidit buhta­dusa vuojá­hallan bohccuid ovddas

-

-

Boazosápmelaččat leat sádden  buhtadusgáibádusa Bane Norai vuojáhallan bohccuid ovddas. 

Gielas orohat lea gáibidan masa 200 000 ruvnnu buhtadusa bohccuid ovddas mat leat vuojáhallan togii mannan dálvvi, čállá Fremover (ášši gáibiduvvo mávssu). Orohat gáibida buhtadusa 20 bohcco ovddas, mat leat vuojáhallan Ofuohtamáđijas.

Sivvan manin buhtadusgáibádus lea nu stuoris, lea go guokte bohcco leat hearggit. 

– Mun lean geavahan ollu áigi dápmat herggiid vai sáhttá geassit reaga mas leat mánát ja turisttat. Jus galgá buori hearggi oažžut man sáhttá geavahit mánáid- ja turistavuodjimii, de ferte unnimusat bargat herggiin 2-3 tiimmu beaivái máŋga dálvvi. Nu lea čállon gáibádusas, čállá aviisa.

Guovtti hearggis ja billašuvvan GPS- sáddenrusttegis gáibida boazoeaiggát 39 000 ruvnno. Oktiibuot 20 vuojáhallan bohccos gáibidit 195 600 ruvnnu buhtadusa.  Loguin, maid Bane Nor lea almmuhan, de leat 350 bohcco vuojáhallan Nordlánddamáđijas jagi 2018 gaskal Steinkjer ja  Bådådjo. Ii leat vel čielggan maid Bane Nor oaivvilda buhtadusgáibádusa birra. 

(©NTB)

- Advertisement -
-Almmuhus-