Fylkadiggi ii dohkket ahte Statnett goazaha 420 kV-linjjá huksema Vuonnabahtii ja sihtá álggahit huksenbarggu.
Maŋŋá Guovddášbellodaga evttohusa mearridii fylkadiggi mannan bearjadaga (19.03.21) njálmmálaččat de gáibida fylkadiggi ahte 420 kV-linjá huksejuvvo gitta Vuonnabahtii, várašumi haga, čállá Guovddášbellodat preassadieđáhusas.
Duogáš dasa lea go Statnett lea bidjan vuođđun várašumi ohcat konsenšuvnna hukset Skáiddi – Vuonnabađa maŋemuš oassegaskka. Dat guoská Áttánjoga ja Vuonnabađa gaskii.
Preassadieđáhusas máid Guovddášbellodat lea sádden čállet sii ahte 2018:s mearriduvvui álggahit fas barggu ohcat konsenšuvnna dan gaskii.
– 420 kV-linjjá huksen gitta Vuonnabahtii lea mearrideaddji Nuorta-Finnmárkku servodatovdáneapmái, sihkarvuhtii ja gearggusvuhtii. Guovddášbellodat ii dohkket ahte huksen galgá dan duohken ahte bieggafápmohuksen dahje eará aktevrrat ožžot konsenšuvnna. Nuorta-Finnmárku dárbbaša fápmolágidansihkarvuođa dál, loahpaha Guovddášbellodat preassadieđáhusas.