-Almmuhus-
OĐĐASATGáibidit 30,3 miljovnna Ruoŧa ráđđe­husas boazo­dollui

Gáibidit 30,3 miljovnna Ruoŧa ráđđe­husas boazo­dollui

-

-

Ruoŧa Sámiid Riikkasearvi lea reivves ealáhusdepartementii čállán ahte gáibidit 30,3 miljovnna ruvnno Ruoŧa ráđđehusas boazodollui koronaroasu dihte.

Dat ruđat galget gokčat boazodoallofitnodagaid koronaroasu Ruoŧa bealde. Ruhtasubmi lea rehkenaston ealáhusa ektui, čállá Ruoŧa Sámiid Riikkasearvi reivves. 

– Máilmmiviidosaš koronadilli lea váikkuhan boazobargiide ja dagahan sidjiide váttis dili. Bohccobiergomárkan, mas leat dušše moadde boazooasti ja njuovahaga lea dal rašes dilis go gevvet na stuora rievdadusat márkanis, čállá Ruoŧa Sámiid Riikkasearvvi jođiheaddji Åsa Larsson Blind reivves. 

Eahpesihkkaris koronadilli dagaha maid dili ovddos guvlui váttisin. Koronadilli dagaha maid ahte eanet olbmot válljejit vuolgit duoddarii astoáiggis. Dat maid váikkuha boazodollui, dadjá Blind SVT Nyheterii. 

– Dat lea váttis čájehit movt dat váikkuha ekonomalaš dillái muhto berre váldit dan maid mielde árvvoštallamii. 

-Almmuhus-