-Almmuhus-
OĐĐASATGáibideaba Sámedikki ráhkkanit diggeáššái

Gáibideaba Sámedikki ráhkkanit diggeáššái

-

-

– Sámediggi ferte veahkehit mearraluossabivdiid ja báikki olbmuid Deanočázádagas, lohkaba Bargiidbellodaga njunnošat ja ávžžuheaba Sámediggeráđi hoigadit ruđaid jus ášši šaddá diggái.

Bargiidbellodaga presideantaevttohas Ronny Wilhelmsen ja várrepresideantaevttohas Elisabeth Erke sihtaba preassadieđáhusas Sámediggeráđi bidjat resurssaid gearggusin ráhkkanahttit diggeášši stáda vuostá.

 

Ballá árbevirolaš máhtu jávkamis

– Mii leat vuorjašuvvan go stáda vuot hilgu báikki olbmuid proseassain ja garvá doahttaleames sámi vieruid ja oktasaš rivttiid. Bargiidbellodat ii sáhte dohkkehit dán, cealká Ronny Wilhelmsen preassadieđáhusas.

Bargiidbellodaga várrepresideanta Erke lasihastá:

– Mun balan ahte sámi árbevirolaš máhttu jávká jus Deanošiehtadus bissu nu movt dál lea dohkkehuvvon Norggas ja Suomas.

 

– Dehálaš čielggadeamit

Go Stuoradiggi lea cealkán ahte lea báikkiássiid mearrádus loktet ášši diggái, de oaivvilda Bargiidbellodat ahte Sámediggi ferte addit doarjagiid vai ássit sáhttet oažžut rivttiid dohkkehuvvot.

– Dat leat dehálaš čielggadeamit sámi oktasaš rivttiide, loahpaha Wilhelmsen.

-Almmuhus-