Lávvordaga eahketbeaivvi geavai skuterlihkohisvuohta Riksgrensenis Ruoŧa bealde. Skutervuoddji lea baháid roasmmohuvvan.
Vihtan muitala iHarstad aviisii ahte skutervuoddji vujii jiehkkis vulos ja gahčai 10-15 mehtera. Jiehkki lea skutergeinnodagas ja Riksgrensen/Bjørkliden guovllus Låktačohka duottardálu lahkosis 1200 mehtera allosis.
– Ledje 7-8 suopmelačča skuteriin vuojašeamen go lihkohisvuohta geavai muitala vihtan iHarstad aviisii.
Heahteveahka ja ambulánsahelikopter sáddejuvvui lihkohisvuođa báikái. Skutervuoddji sáddejuvvui ambulanssain Romssa universitehta buohccevissui. Buohcceviessu dieđiha ahte skutervuoddji lea baháid roasmmohuvvan.
Norrbottena politiijat dieđihit ahte sii dal isket ášši ja gažadit vihtaniid.
