Mánnodagas gaskavahkkui dollojuvvo Hársttáin Romssa ja Finnmárkku fylkkadikki konstituerenčoahkkin.
Disdaga válljejuvvuiga fylkkasátnejođiheaddji ja fylkkavárresátnejođiheaddji. Fylkkasátnejođiheaddjin válljejuvvui Ivar B. Prestbakmo, gii dál lea fylkkaráđđi ja fylkkaráđi nubbejođiheaddji. Fylkkavárresátnejođiheaddjin válljejuvvui Tarjei Jensen Bech. Son lea dál Finnmárkku fylkkagieldda fylkkavárresátnejođiheaddji .
Fylkkagovastat
Čoahkkimis ovddiduvvojedje máŋga evttohusa ođđa fylkagovastahkii. Fylkkadiggi mearridii ahte sihke Romssa fylkkagovastat ja Finnmárkku fylkkagovastat galget doaibmat buohtalaga Romssa ja Finnmárkku fylkkadikkis. Dán dieđiha Romssa ja Finnmárkku fylkkadiggi iežas neahttasiiddus.