-Almmuhus-
-Almmuhus-
OĐĐASAT Fylkka­ráđđi oččoda ruovde­máđi davás -ásahit Árktalaš ruovde­geaidno­foruma

Fylkka­ráđđi oččoda ruovde­máđi davás -ásahit Árktalaš ruovde­geaidno­foruma

-

-

Forum man ásahit galgá doaibmat politihkalaš ovttasbargoorgánan, ja ulbmil lea ovddidit fylkka ruovdegeaidnoovdáneami. 

Romssa ja Finnmárkku fylkkagielda dieđiha preassadieđáhusa bokte ahte fylkkaráđđi ásaha Árktalaš ruovdegeaidnoforuma. Ođđaásahuvvon forum galgá ovddidit fylkka ruovdegeainnuid ovdáneami, man eaiggáduššá ja jođiha Romssa ja Finnmárkku fylkkagielda. Forum galgá deaivvadansadji aktevrraide geain lea juogo ovddasvástádus, váldi dahje beroštupmi riikka davimus guovllu ruovdegeaidnoovdáneamis. 

– Dehálaš ealáhusdoaimmade

Preassadieđáhusa bokte dieđihit ahte fylkkaráđi mielas addá ođđaáigásaš ruovdegeaidnu jođánit buktima regiovnnalaš buvttaduvvon gálvvuid márkaniidda. 

– Ruovdegeaidnu lea dehálaš ealáhusdoaimmaide. Ruovdegeaidnu dán guovllus buktá buoret gilvalaneavttuid, jus jevdešii daid guhkes gaskkaid mat dál leat ealáhusdoaimmain márkaniidda, lohká johtalusa fylkkaráđđi, Kristina Hansen (Bb). 

Servodatovdáneapmi

– Mii gáibidit ruovdegeainnu min fylkii, ja lea dan dihte mii leat ásahan dán foruma, doaibmabidjun olahit ulbmila. Min mielas hukse dat riikka. Ođđaáigásaš ruovdegeaidnu váikkuhivččii johtináiggiide, ja sáhttá dagahit ávdin báikkiid geasuheaddjin ođđa ásahemiide, sihke ealáhusdoaimmaide, ja muđui maid olbmuide, lohká fylkkaráđđejođiheaddji Bjørn-Inge Mo (Bb).  

-Almmuhus-