-Almmuhus-
-Almmuhus-
-Almmuhus-
SMÁVVAOĐĐASATFylkka­ráđđi juolluda ruđaid sámi doaibma­bijuide

Fylkka­ráđđi juolluda ruđaid sámi doaibma­bijuide

-

-

Romssa ja Finnmárkku fylkkagieldda ekonomiija ja kultuvrra fylkkaráđđi, Ronald Wærnes (Gb), juolluda ruđaid viđa sámi doaibmabidjui.

Wærnes juolluda oktiibuot 240 000 ruvnnu viđa sámi doaibmabidjui Finnmárkui.

– Lean ilus go beasan doarjut dehálaš doaibmabijuid mat fuolahit sámiid sosiála, kultuvrralaš ja gielalaš dárbbuin, lohká fylkkaráđđi Wærnes preassadieđáhusas.

Sámegielat heahtechattenbálvalus, sámegiela jávkama dokumenteren mearrasámi guovllus ja nuortalašgiela ja kultuvrra ealáskahttima ovdaprošeakta leat doaibmabijut maid fylkkaráđđi doarju dán háve.

Doaibmabijut maidda juolluduvvo ruhta:

Mátta-Várjjaga gildii: Ovdaprošeakta ohcanvárás Interreg/EU-ruđaid váldoprošektii «Cross-border revitalization of Skolt Sámi language and culture», 40 000 kruvnnu. Váldoprošeavtta ulbmil lea ealáskahttit nuortalaš giela ja kultuvrra giella- ja kulturguovddáža álggaheami bokte. Prošeakta lea Mátta-Várjjaga ja Anára gieldda ovttasbargu.

Kárášjoga pensionistasearvái: Árbevirolaš sámi borramušat, 50 000 kruvnnu.

Kirkens SOS:i: Davvisámegielat heahtechattenbálvalus, 50 000 kruvnnu.

Girkonjárgga joatkkaskuvlii: Sámi álbmotbeaivvi ávvudeapmi guovvamánu 6. beaivvi 2023, 50 000 kruvnnu.

Siivet AS: «Gosa šattai sámegiella?» Dokumentašuvdnaprošeakta mearrasámi guovllus, 50 000 kruvnnu.

-Almmuhus-