Givssidanáššit mat jovdet fylkkamánni duohkai lassánit, ja birrasii juohke viđa áššis ii leat skuvla njealji áššis bidjan doaimmaid johtui.
Njealji áššis juohke viđat áššis lea fylkkamánni konkluderen ahte skuvla ii leat čuvvon geatnegasvuođa bidjat johtui doaimmaid.
Dat eai leat bargan doarvái bissehit givssideami.
– Ii leat dohkálaš ahte oahppit ja váhnemat vásihit ahte skuvla ii daga doarvái givssidemiid ektui. Dát logut čájehit ahte beare máŋga skuvlla eai bargga geatnegasvuođain bidjat johtui doaimmaid. Mun vuorddán ahte skuvllat čuovvolit dan dehálaš barggu mii ferte dahkkot vai ráhkadit buori skuvlabirrasa buot ohppiide, lohká máhtto- ja integrerenministtar Jan Tore Sanner preassadieđáhusas.
Oadjebas skuvladillái geatnegasvuohta
2018 logut mannan čavčča leat ollu badjelis go ovddit čavčča logut.
Dalle dieđihuvvo 565 givssidanášši fylkkamánniide.
– Buot mánáin lea riekti oadjebas skuvladillái. Mu mielas lea buorre go ollugat deivet dieđihit fylkkamánnái. Mii diehtit ahte suohkanat ja skuvllat barget garrasit go dovdet ahte mii čuovvut givssidanáššiid dárkilit, lohká Sanner.
Buorit bohtosat
2013:s ožžo 103 skuvlla sierra bagadallama Oahppobirasprošeavtta bagadalliiguin maid Oahpahusdirektoráhtta lágidii.
– Skuvllat, mat systemáhtalaččat barget buoret ja eanet fátmmastahtti barggu skuvlabirrasiin, lihkostuvvet. Loahppabohtoat čájehedje ahte lohku njejai ollu buot skuvllain ohppiid gaskkas geat vásihedje givssideami. Skuvllat šadde buorebun fuomášit givssidemiid ja suohkanat fas čeahpibun čuovvolit daid. Dat lea bargu mainna lihkostuvvat, lohká Sanner.
