-Almmuhus-
-Almmuhus-
OĐĐASAT Fylkkamánni sáhttá mearridit siidaoassái boazologu

Fylkkamánni sáhttá mearridit siidaoassái boazologu

-

-

Dál ii boađe ođđa gorrelogu geahpideapmi, muhto fylkkamánni mearrida siidaoassái boazologu jus orhagas lea boazolohku beare badjin. 

Finnmárkkus lea stuorra oassi orohagain geahpedan boazologu gorrelogu vuođul, ja eatnašat leat olahan mearriduvvon boazologu. 

– Eanaš orohagat olahedje boazologu. Dál lea oallugiin ballu ahte fas boahtá geahpedan gáibádus gorrelogovuođul, ja nu de álget cegget ealuideaset ja boazolohku šaddá de badjel dan mearriduvvon boazologu orohagas, dadjá Finnmárkku ja Romssa doaibmi boazodoalloossodaga jođiheaddji Knut Sara. 

 

Ceggegoahtán ealuideaset

Dál leat muhtin boazosápmelaččat álgán fas cegget ealuideaset. Knut Sara ii loga ávki cegget ealu, go dál ii leat láhka mii dadjá ahte siiddat galget fas geahpedit gorreloguvuođul. 

-Jus čájehuvvo ahte siiddas  lea boazolohku badjel mearriduvvon logu, de lea fylkkamánni váldi mearridit siidaoasi boazologu, jus orohagas lea beare badjin boazolohku. Dalle mii váldit vuođđun dan logu mii lei go orohat lei siskkobealde dan lobálaš logu, čilge Knut Sara.

 

Fylkkamánni mearrida dál boazologu

Knut Sara muitala ahte dál eai boađe šat gáibádusat gorrelogovuođu geahpedit boazologu.

– Lágas boahtá ovdán mo galgá geahpedit jus boazolohku šaddá beare ollu. Fylkkamánni de galgá mearridit boazologu juohke siidaoassái orohagas, ja vuođu mii viežžat das go orohat lei siskkobealde mearriduvvon bajimuš boazologu, čilge Knut Sara. 

 

Dušši cegget ealu

Finnmárkku ja Romssa fylkkamánnis lea kontrolla man ollu guđege boazosápmelaččas leat bohccot, go juohke giđa sáddejit siidaoasit dieđuid.

-Lea dušše dušši ceggegoahtit ealu, billista dušše iežas ovdii. Njuolggadusain čuožžu jus leat mielde ceggemin ealu, ja orohat dan geažil manná badjel mearriduvvon boazologu, de manaha siidaoassi doarjaga ja buhtadusaid, dadjá son. 

 


Eanandoalodirektoráhta jođiheaddji Liv Berit Hætta

 

 

Fylkkamánni čuovvu mielde

Eanandoalodirektoráhta jođiheaddji, Liv Berit Hætta, čilge jus orohat lea gorrelogu vuođul šaddan geahpedit boazologu, ja fas álget lasihit boazologu, de galgá fylkkamáni mearridit boazologu siidaoassái. 

– Fylkkamánni sáhttá de viđa jahkái mearridit boazologu siiddaoassái. Dan lea dál fylkkamánni dahkan moatti orohahkii. Mii oaidnit muhtin orohagat leat  lasihan boazologu ja fylkkamánni čuovvu dál mielde. Mii leat hui gozuid alde dál, lohká Liv Berit Hætta.

 

 

 

 

 

- Advertisement -
-Almmuhus-