-Almmuhus-
-Almmuhus-
OĐĐASATFylkkaidovttasteapmi fáddán fylkkadikkis

Fylkkaidovttasteapmi fáddán fylkkadikkis

-

-

Disdaga boahtte vahkkus lea fylkkalávdegotti čoahkkin, gaskavahkku ja duorastaga fas fylkkadiggi. Politihkkarat ožžot eambbo dieđuid Finnmárkku ja Romssa ovttastumi birra.

Fylkkadikkis galgá bargobádji gos politihkkarat galget eambbo beassat diehtit fylkkaidovttasteami birra, movt proseassa doaibmá, ja makkár váikkuhusat ovttasteamis leat.

Fylkkadiggi láve stuora áššiide várret olles beaivvi, fáddábeaivin.

Earret eará galgá Lulli-Trøndelága fylkkasátnejođiheaddji muitalit movt Trøndelága ovttasteapmi lea mannán. Finnmárkku fylkkadiggi galgá meannudit ášši duorastaga. Dán dieđiha Finnmárkku fylkkagielda iežaset neahttasiiddus.

 

Eambbo diehtu ovttasteami birra

Fylkkaráđđeolmmái Øystein Ruud lea evttohan fylkkadiggái ahte álggahuvvo šiehtadallanlávdegoddi. Son evttoha ahte lávdegottis berrejit golbma politihkkara ja fylkkaráđđeolmmái. Lassin vel čállingoddi geat veahkehit šiehtadallamiin Romssa fylkkagielddain.

 

Čáhcesuolu ja Finnmárku

Fylkkaráđđeolmmái deattuha vuođđonotáhtas manne Finnmárku berre leat ođđa fylkkagieldda namma. Son ákkastallá maid manne Čáhcesullos galggašii hálddahusbáiki.

Son evttoha maid ahte stivrenhápmi berre leat dat mii Finnmárkkus lea odne, ovdagoddemodealla. Romssas lea parlamentáralaš modealla, ja fylkkaráđđeolmmái ii ávžžut dan, go dat lea divrasit modealla.

 

Golbma čoahkkinbeaivvi

Fylkkalávdegotti čoahkkimis galget earret eará orrunmovtta bálkkašumi juohkit Finnmárkku spábbačiekčanbiirii.

Fylkkadikkis leat olu áššit, earret eará galget válljet ođđa fylkkasátnejođiheaddji. Ranghild Vassvik lea fylkkavárresátnejođiheaddji, ja šaddá sátnejođiheaddjin go Runar Sjåstad lea válljejuvvon Stuoradiggái. Galgá válljejuvvot ođđa fylkkavárresátnejođiheaddji.

 

Juhket bálkkašumiid

Gaskavahkku juohke fylkkadiggi vihtta iešguđet bálkkašumi. Dáidda doaluide bohtet bálkkašumiid vuoitit, ja deaivvadit fylkkadikkiin mállásiidda.

-Almmuhus-