Finnmárkku fylkkagielddas lea 30 miljovnna ruvnno juolludeapmái dán jagi.
Jus leat plánemin hukset dahje divodit falástallanrusttegiid, lagasbirasrusttegiid dahje meahcástallanrusttegiid, de sáhtát ohcat ruđaid Finnmárkku fylkkagielddas. Jahkásaččat juolluda fylkkagielda sullii 30 miljovnna ruvnno falástallanrusttegiidda ja fysalaš doaimmaide. Sáhttet leat stuora falástallanvisttit dahje unnit doaibmanrusttegat dahje goavddit.
– Lagasbirrasis rusttegat mat váikkuhit ja duhtadit mánáid dárbbuid fysalaš doaimmaide, vuoruhuvvojit earenoamážit. Okta mihttu lea maid ovdánahttit rusttegiid mat duhtadit earenoamážit nuoraid dárbbuid hástaleaddji ja máŋggabealat doaimmaide. Nuorain berrešii váikkuhanvejolašvuohta rusttegiid hábmenproseassas, čállá Finnmárkku fylkkagieldda preassadieđáhusastis.
Ohcanáigemearri
Gielddat mearridit ohcanáigemeriid iežaset guovlluin. Gielddain lea áigemearri sáddet sisaboahtán ohcamušaid viidáseappot fylkkagildii ođđajagemánu 15. beaivvi. 2019
