Ledje 33 festivála mat ohce ruhtadoarjaga Finnmárkku fylkkagielddas. 27 ohcci ožžo doarjaga lágideapmái 2017 ovddas.
Ollu festiválain dieviha konto dál go Finnmárkku fylkkagielda lea juolludan doarjagiid festiválabuvttademiide.
Dehálaš aktevrrat Finnmárkkus
– Finnmárkku festiválat leat dehálaš kulturaktevrrat mat buktet sihke kultuvrralaš ja ekonomalaš árvvuid. Mii leat válljen deattuhit máŋggabealatvuođa ja háliidit addit ruđaid ollu lágideddjiide, muitala váldolávdegotti jođiheaddji, Geir Ove Bakken.
Ovcci festivála ožžo njeallje jahkái fásta doarjaga. Váldolávdegoddi áigu bivdit fylkkagieldda lasihit doarjaga boahtteáiggis.
Váldolávdegottis lei váttis bargu go juogadedje ruhtasupmiid ođđajagemánu 31. beaivvi.
Oktiibuot ohce 5,4 miljovnna ruvnno festiválaide.
| Festivála namma | Suohkan/gielda | Supmi |
| Varangerfestivalen | Čáhcesuolu | 140 000,- (4 jagi) |
| Midnattsrocken | Porsáŋgu | 70 000,- (4 jagi) |
| Grenseløsfestivalen | Mátta-Várjjat | 70 000,- (4 jagi) |
| Komafest | Várggát | 80 000,- (4 jagi) |
| Barents Spektakel | Mátta-Várjjat | 150 000,- (4 jagi) |
| Nordkapp filmfestival | Davvinjárga | 70 000,- (4 jagi) |
| Aronnesrocken | Áltá | 70 000,- (4 jagi) |
| Alta Soul & Bluesfestival | Áltá | 70 000,- (4 jagi) |
| DanseFestival Barents | Hámmárfeasta | 110 000,- (4 jagi) |
| Borealis vinterfestival | Áltá | 10 000,- |
| Gullfest 2017 | Várggát | 20 000,- |
| Kipparifestivalen | Porsáŋgu | 20 000,- |
| Sunshine Winter Festival | Davvinjárga | 20 000,- |
| Iskald-Metalfest | Áltá | 10 000,- |
| Varanger Matfestival | Várggát | 10 000,- |
| Sørøyrocken | Ákŋoluokta | 40 000,- |
| Sami Music Week | Áltá | 40 000,- |
| Kystkvinner-festivalen | Davvesiida | 20 000,- |
| Kárášjoga beassášfestivála | Kárášjohka | 20 000,- |
| Samisk filmhelg | Porsáŋgu/Davvinjárga | 10 000,- |
| Pomorfestivalen | Várggát | 40 000,- |
| Borealis Matfestival | Áltá | 10 000,- |
| Bugøynesfestival | Mátta-Várjjat | 20 000,- |
| Kulturdugnad | Gáŋgaviika | 20 000,- |
| Nordkyn Vinterfestival | Čorgas | 20 000,- |
| Kunesdagan | Čorgas | 20 000,- |
| Sommerfeber | Hámmárfeasta | 20 000,- |
