-Almmuhus-
VALÁŠTALLANFylkkagielda soabai valáštallanbiirriin ovttasbarggu

Fylkkagielda soabai valáštallanbiirriin ovttasbarggu

Journalista

-

-

Finnmárkku fylkkagielda ja Finnmárkku valáštallanbiire leat vuolláičállán ovttasbargošiehtadusa.

 – Lea dehálaš ahte Finnmárkku valáštallan oažžu buriid rámmaeavttuid, lohká Finnmárkku fylkagieldda kultuvrra ja johtolaga váldolávdegotti jođiheaddji Geir Ove Bakken.

Fylkkagielddas ja valáštallanbiirres leamašan lagas ovttasbargu máŋga jagi, ja dál lea ovttasbargošiehtadus máŋgga jahkái (2017-2019).

 

Hábmen šiehtadusa ovttas

Šiehtadus galgá addit buriid rámmaeavttuid ja einnostit ekonomalaš lassáneami Finnmárkku valáštallamii. Šiehtadus meannuduvvui mannan vahku čoahkkimis kultuvrra ja johtolaga váldolávdegottis, čállá Finnmárkku fylkkagielda preassadieđáhusastis.

Šiehtadus hábmejuvvui ovttas, ulbmiliin ahte loktet áigeguovdilis fylkkagieldda ja valáštallanbiirre ovttasbargoguovlluid.

Áigumuš šiehtadusain lea ahte bealit leat geatnegahtton ovttasbargat vai ovdánahttit valáštallama ja fysalaš aktivitehta Finnmárkkus, ja seammás addit ekonomalaš einnosteami guktuid beliide.

 

-Almmuhus-