Finnmárku fylkkadiggi bivdá FeFo maŋidit Finnmark Kraft AS vuovdima dassái go fylkkadiggi lea dan digaštallan juovlamánu čoahkkimis.
Duo gieskat mearridii FeFo vuovdit iežaset ossosiid elrávnnjefitnodagas Finnmark Kraft AS.
Finnmárkku fylkkadiggi cealká čuovvovaččat preassadieđáhusas:
– Finnmárkku fylkkadiggi šálloša nannosit FeFo mearrádusa vuovdit iežaset eaiggátvuođa Finnmark Kraft AS:s. Finnmark Kraft lea mielde sihkarastimin eaiggátvuođa ja arvoháhkama Finnmárkku čáhce- ja bieggaresurssaide fylkii ja fylkka álbmogii. Lea dehálaš fylkka boahtte áiggi ovdánahttimii ja ovdánahttinvejolašvuođaide, ahte finnmárkulaš ovttasráđiid, FeFo eaiggátvuođa ja elfápmofitnodagaid bokte, beassá mearridit iežaset resurssaid ja nu maid arvoháhkama ja tietnasa badjel.
–Áimmahuššat servodaga beroštumiid buorebut
– FeFo eaiggátvuođa ja hálddašeami bokte, dovdat mii kultuvrra, identitehta ja ealáhusaid buorebut go earát. NU sáhttit mii áimmahuššat servodaga beroštumiid dan sadjái go ruhtaválddi. Fylkkadiggi lea ilus ahte eanaeaiggát FeFo máŋga jagi dás ovdalis evttohii čohkket buot Finnmárkku elfápmofitnodagaid ovtta fitnodahkii, mas eaiggádiin ovttasráđiid lei doarvái ruhta ja gelbbolašvuohta ieža ruhtadit earret eará bieggafámu. Nu hehttii dat nationála ja riikkaidgaskasaš fitnodagaid oažžumis konsešuvnna min geasuheaddji bieggamilloguovlluide, bákkus váldit min guovlluid ja doalvut tietnasa fylkkas. Njealjis jienasteapmi dán cealkámuša vuostá, cealká Finnmárkku fylkkadiggi.
