-Almmuhus-
-Almmuhus-
-Almmuhus-
OĐĐASATFuođđobivdokoarttat vuovdemassii

Fuođđobivdokoarttat vuovdemassii

-

-

Fuoððubivdokoarttat lea otná rájes vuovdimassii Finnmárkkuopmodagas.

Finnmárkkuopmodat lea juhkkon 136 bivdoguvlui, ja bivdit galget ovdagihtii registreret gos sii áigot bivdit. Bivdoraporteren dahkko maiddái  bivdoguovlodásis. Dát galgá sihkkarastit ceavzilis ja máhtolaš smávvafuođđohálddašeami, dieđiha Finnmárkkuopmodat, http://www.fefo.no/sa/jakt/sider/smavilt.aspx

 

Smávvafuođđohálddašeami

FeFo lea álggahan muddemiid sihkkarastin dihte ceavzilis smávvafuođđohálddašeami iešguhtetge  bivdoguovllus. Muddemat ráddjejit earret eará gallededdjiid lobi bivdit eanemus geasuheaddji bivdoguovlluin. Finnmárkku ássit besset bivdit buot bivdoguovlluin olles bivdoáigodaga.  Muhtun náliid bivdináigi sáhttá oaniduvvot ja sáhttet ásahuvvot báikkálaš ráfáiduhttinguovllut jus lea dárbu.

Bivdokoartta doibmii bidjan ja raporteren lea geatnegahtton earret eará sihkkarastin dihte máhtolašvuhtii vuođđuduvvon  smávvafuođđohálddašeami Finnmárkku fylkka boahttevaš buolvvaide. 

 

Bivdokoartta oastin
Bivdokoarttain leat iešguđelágan hattit, agi ektui ja gos ásat. Lea danne deaŧalaš ahte attát rievttes dieđuid go leat oastime.  Riegádanbeaivi dárkkistuvvo bivdinummara ektui. Haddi muddejuvvo automáhtalaččat agi ja ássanbáikki mielde.
 
Vuollel 20-jahkásaš nuorat geat orrot Finnmárkkus ožžot automáhtalaččat áigodatkoartta gildii ja áigodatkoartta fylkii 80 proseantta hálbbádusa.
 
Gallededdji bivdiid áigodatkoarta ii gustogoađe ovdal go čakčamánu 25. beaivvi. Bivdokoartta ferte doibmii bidjat iešguhtetge bivdoguovllu várás rievttes dáhtoniin.
 
Joatká bivnnut bivdoortnegiin
Diibmá attii FeFo vuosttaš geardde nuvttá bivdokoarttaid ássangildii vuosttašgeardde bivdiide. Ortnet lei nu bivnnut ja vásáhusat nu buorit ahte jotkojuvvo 2017:s.
– Danne addit maiddái dán jagi nuvttá áigodatkoartra ássangieldda vuosttaš geardde bivdiide geat váldet bivdi geahččaleami 2017:s,
lohká meahccehálddašeaddji Christina Bjørkli.
 
Nuvttá ortnet
Diibmá jugii FeFo nuvttá koarttaid 154 vuosttašgeardde bivdiide Finnmárkkus. Ortnet lea doaibmabidju sihkkarastit bivdiid rekrutterema ja boahttevaš bivddu. Bjørkli sávvá danne maiddái olu vuosttaš geardde bivdiid váldit oktavuođa maiddái dán čavčča, čállá FeFo preassádieđuhusas http://www.fefo.no/sa/presse/Pressemeldinger/2017-07-05%20Fortsatt%20gratis%20jaktkort%20for%20f%C3%B8rstegangsjegere%20SAMI.pdf
-Almmuhus-