Ruoŧa Melodifestivala finála lágiduvvui lávvordaga. Vuoitin šattai ovdagihtii favorihtta, Loreen.
Loreen oaččui oktiibuot 177 čuoggá finálas. Sámi artista Jon Henrik Fjällgren ovttas Arc Northiin ja Adam Woodsiin šadde njealjádin gilvvus, lávlagiin «Where you are (Sávezan)». Sii oaččo 81 čuoggá.
Jon Henrik dajai Ruoŧa Rádioi maŋŋel gilvvu ahte son lea hui ilus ja rámis go nu olusat leat jienastan su.
– Lean hui ilus, rámis go gávdnojit nu olusat Ruoŧas geat jienastit mu ja liikojit luohtái. Lean nu ilus go dieđán luođi historjjá. Addá munnje doaivaga ahte lean rivttes bálgás ja ahte galggan joatkit juoigamiin.
Juoigagođii
Fjällgren muitalii maiddái ahte su áhčči ii lea bajásšaddan luđiin, muhto ahte son ieš álggii juoigat hui nuorran.
– Mun adden luođi mu áhkkui, ja mu áhčči nu jierástuvai. Lei earenoamáš dovdu. Lean hui rámis ja háliidan giitit buohkaid geat leat jienastan mu, dajai son Ruoŧa rádioi maŋŋel gilvvo.
Njealját geardde
Fjällgren lea dál oassálastán Melodifestivalenii njelljii. Finálas 2015:s son bođii nubbin, 2017:s goalmmádin ja 2019:s fas njealjádin. Son muitalii Ávvirii ovdal gilvvu ahte ii áiggo šat dáid gilvvuid maŋŋá oassálastit Melodifestivalenii.
– Lea maŋemus geardde go searvvan dán gilvui. Boađán iluin juoigat ja guođđit luottaid iežan maŋis, čilge son Ávvirii.
Fjällgren sávvá, ahte eanet sámi lávlagat beasašedje Melodifestivalenii boahtteáiggis.
– Mun doaivvun, ahte boahtteáiggis bohtet eanet juoigit, lohká Jon Henrik Fjällgren.
