-Almmuhus-
-Almmuhus-
KULTUVRA Fjällgren bileahtat visot vuvdon

Fjällgren bileahtat visot vuvdon

-

-

Dál moadde diimmu ovdal go Ijahis idja festivála rahppo, de leat buvttadeaddjis loaččehan oalggit.

– Hui buorre dovdu go ná bures lea mannán ahte mis lea buot válmmas ja buot lea áige távvala siste, muitala buvttadeaddji Oula Guttorm, moadde diimmu ovdal go dán jagáš Ijahis Idja rahppo.

 

Dát festiválaš Anáris, Davvi-Suomas lágiduvvo dán jagi 12. geardde.

– Dan jagi šaddá veahá earalágan prográmma go ovddit jagiid, dál lea mis guhkiduvvon golmma beaivái ja mus lea buorre jáhkku ahte olbmot liikojit prográmmii, muitala Guttorm.

 

Loga maid: Mánát loahpahit cd-trilogiija

 

Odne rahppo festivála mánáidkonsearttain gos «Ima Mánážat» cd-skearru almmuhuvvo. Ihttin ges joatká festivála earret eará konsearttain gos beakkán Jon Henrik Fjällgren čuojaha.

– Ihtáš konsertii Jon Henrik Fjällgren konsertii leat vuvdon juo buot bileahtat, nu ahte doppe boahtá leat ollu olmmoš, loahpaha Oula Guttorm.

Vaikke dán konseartta bileahtat leat ge jo visot vuvdon, de konseartta liikká lea vejolaš čuovvut interneahta bokte ihttin diibmu 18.55 rájes (suoma áiggis).

Váldokonseartta, lávvardaga, sáhttá maid čuovvut njuolggosáddagis interneahta bokte dáppe.

 


Ijahis ija buvttadeaddji Oula Guttorm
Vuorkágovva: Astrid Helander

 

 

- Advertisement -
-Almmuhus-