Maid don dagašit jus dutnje riŋge Norsk Tippinga miljovdnatelefunnummir, 625 60 000?
Maid don dagašit jus dutnje riŋge Norsk Tippinga miljovdnatelefunnummir, 625 60 000?
Oktiibuot leat 131 finnmárkulaččat šaddan Lotto-miljonearan.
19:s sis leat eret Mátta-Várjjagis, okta sis lea dievdu gii mannan vahkkoloahpa vuittii miljovdnasupmi.
7,1 miljovnna vuoitun
Mátta-Várjjagis, Finnmárkkus, lei dievdu gii oaččui buori dieđu lávvordateahkeda.
Telefuvnnas lei Norsk Tipping ja diehtu lei ahte son lea vuoitán 7 105 955 ruvnno.
– Oba somas diehtu oažzut, jus fal dát lea oba duohta ge, logai dievdu go oaččui dan dieđu, dieđiha Norsk Tipping.
Ruhta lea bures boahtin
– Ferten gal geahčestit vel loguid nu ahte duođaštuvvo ahte lean vuoitán, muhto dat ruhta gal lea bures boahtin deike, logai lihkolas vuoiti.
Daid loguid vuorbádedje lávvordaga Lottos:
9 – 26 – 28 – 8 – 31 – 21 – 17
Lasselohkku: 24
Boahtte vahkku lea sullii 14 miljovnna Lotto vuoitun.