Maŋimuš logi jagi leat snuvsageavaheaddjit duppalastojuvvon Norggas.
Maŋimuš logi jagi leat snuvsageavaheaddjit duppalastojuvvon Norggas.
12 proseantta Norgga álbmogis, geat leat gaskal 16- ja 74-jahkásaččat, geavahedje snuvssa diibmá.
Nu čájehit duhpáha, alkohola ja eará gárrenmirkkuid statistihkat.
Dan botta go bealli borgguheddjiin leat bidjan eret duhpáha maŋimuš logi jagi, de leat snuvssejeaddjit lassánan beliin.
Dál leat Norggas seamma olu snuvssejeaddjit go borgguheaddjit.
Finnmárku bajimusas
Finnmárkkus ledje unnimus snuvdsejeaddjit 2008-2012 rádjái, muhto maŋimuš njealji jagis leat logut rievdan oalát.
Dál leat eanmus snuvsageavaheaddjit Norgga davimus fylkkas, dieđiha Statistihkalaš guovddášdoaimmahat.
16 proseantta gaskal 16- ja 74-jahkásaš olbmuin geavahit snuvssaid.
Aust-Agderis leat unnimus snuvssageavaheaddjit, 7 proseantta álbmogis snuvssejit.
Finnmárkkus heitet borgguheames
Østlánddas leat eanemus borgguheaddjit, oktiibuot 16 proseantta gaskal 16- ja 74-jahkásaččain borgguhit.
Finnmárku ja Opplánda leat nubbin bajimusas statistihkas go 15 proseantta olbmuin borgguhit daid guovlluin.
Vaikke Finnmárkkus leat olu borgguheaddjit, de leat dattetge eanemus finnmárkulaččat bidjan eret duhpáha.