– Luomus mii udnot alcceseamet eambbo riemu go dábálaččat, ja olusiidda mielddisbuktá dat ahte juhkat eanet go dábálaččat. Mánát reagerejit iešguđetláhkái ollesolbmuid juhkamii, danne ávžžuhat váhnemiid jearrat alddis: «Galle láse gierdá mu mánná?»
Njealjis logadásoasis finnmárkulaččain meidnejit sii juhket beare ollu lieggariikamátkkiin mánáiguin.
Dan čájeha ođđa dutkan mii čađahuvvui Ipsosis Av-og-til bealis.
Dutkamii serve 2913 olbmo, geat leat badjel 18-jahkásaččat, 67:s sis ledje finnmárkulaččat.
43 proseantta finnmárkulaččain meidnejedje ahte ollesolbmot juhket beare ollu lieggariikamátkkiin.
Mánná ii hálit gárren váhnemiid
Mánát leat sorjavaččat dasa ahte ollesolbmot láhttejit nu mo lávejit.
Danne sáhttá balddihahtti go ollesolmmoš rievdada láhttenvuogi.
– Mánát leat beali eanet hearkkibut olgoriikamátkkiin. Sii leat dorvvuhisvuođas go leat guhkkin eret ruovttuguovllus, seammás go váhnemat dávjá juhket eanet go dábálaččat. Ollesolbmuide lea dehálaš atnit muittus ahte mánát fuobmájit rievdadeami min láhttemis jođáneappot go mii jáhkkit. Moadde láse maŋŋel lea váttis árvvoštallat mo mánát min árvvoštallet, muitala Av-og-til váldočálli Randi Hagen Eriksrud.
