-Almmuhus-
OĐĐASAT– Finnmárkulačča jietna láhppo

– Finnmárkulačča jietna láhppo

Journalista

-

-

 Sámedikki presideanta ii leat mielas Regiovdnareforbmii mas Romssa ja Finnmárkku fylkkat galget časkot oktii ja šaddat oktan regiovdnan.

Sámediggepresideanta Vibeke Larsen vuorjašuvvá go finnmárkulačča jietna galgá láhppot stuora regiovnnas.

– Balan ahte Finnmárkku jienasteaddjái šaddá váddáseabbon gullot, go leat Romssa bealde gos lea stuorát oassi álbmogis, ja nu ii olat iežas oaiviliin, lohká Larsen.

 

Álkiida gulahallama

Larsen lohká oktiičaskimis leat buorit bealit das mii guoská gulahallamii.

– Go Sámediggái šaddá dušše okta fylkkasuohkan mainna galgá gulahallat, de álkida dat ságastallamiid áššiin mat gusket sámiide ja sámi servvodahkii. Leat ollu áššit maidda Finnmárkkus leat čeahpit, ja ollu áššit maidda Romssas leat čeahpit, ja nu šaddat čeahpibun ja seammás šaddá mis gievrrat mohtor ovddidit sámi áššiid, lohká Larsen.

 

Loga maid: Finnmárku ja Romsa oktan guovlun

 

– Romssas maid lohkkot

Regiovdnareforpma mielde galgá Finnmárkkuláhka ain lohkkot dušše Finnmárkkus, go fylkkasuohkanat časkojuvvojit oktii.

Larsen gažada dan ja vuordá ahte Finnmárkkuláhka galgá Romssas maid de lohkkot, danne go Finnmárkkus eai leat vel kárten ja dohkkehan buot sámi vuoigatvuođaid.

– Sámedikkis ii leat movtge dahkamuš hálddašeapmái mii guoská kártemii ja dohkkehit sámi vuoigatvuođaid Romssas, ja lea oalle ártet jus okta láhka galgá lohkkot beali regiovnnas ja nuppi bealis fas eará láhka, lohká Larsen.

 

Šiehtadus

FAKTADIEĐUT OVTTASTAHTTIMA BIRRA:

Finnmárkkuláhka guoská otne opmodahkii ja čázádagaide main leat luondduresurssat Finnmárkku fylkkas. Finnmárkkuláhka lea ain gustovaš vaikke Finnmárkku ja Tromssa fylkagielddat ovttastahttojit.

 

Tromssa ja Finnmárkku ovttastahttin ii váikkut doaibmabidjoguvlui mii guoská Finnmárkui ja Davvi-Tromsii.

 

Stuorradiggi meannuda regiovdnareforpma geassemánu 8. beaivvi.

Olgeža, Ovddádusbellodaga, Risttalaš álbmotbellodaga ja Gurutbellodaga suohkan- ja regiovdnareforpma šiehtadusas leat sii leamaš ovttaoaivilis ahte galget okta dahje guokte álbmotválljejuvvon regiovnna Davvi-Norggas.

 

Guokte regiovnna davvin

Ovttaoaivilvuohta lea vuolggahuvvon stuoradiggeáirasiin mat gullet golmma davimus fylkii, ja leat ovttas jođiheddjiiguin suohkanlaš- ja hálddašanlávdegottis. Sidjiide lea leamaš dehálaš ahte gávdnat čovdosa Davvi-Norgii seamma áiggis go muđui riikkas.

– Lea ovttaoaivilvuohta ahte Davvi-Norggas galget leat guokte regiovnna. Nubbi Finnmárku ja Romsa, ja Nordlánda nubbi regiovdna. Dáinna šiehtadusain oažžut guokte regiovnna main goappásge leat sullii 240 000 ássi, lohká suohkanlaš- ja hálddašanlávdegotti jođiheaddji, Ovddádusbellodaga Helge Andre Njåstad.

Stuoradiggi meannuda Regiovdnareforpma geassemánu 8. beaivvi

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

* Avtalen om inndeling av Nord-Norge vil gi en god balanse mellom fylkene i Nord-Norge og også på landsbasis, samt støtte opp under samfunnsutviklingsarbeidet i landsdelen, sier Ingjerd Schou (H)

 

* Fylkene Troms / Finnmark utgjør Norges viktigste utenrikspolitiske interesseområde, har en framskutt posisjon i nordområdene og representerer Norges grense mot Arktis og Russland. Troms og Finnmark har et interessefellesskap som bør avspeiles i én fylkeskommune som kan støtte opp under utviklingen for innbyggere og virksomheter, sier Geir Toskedal (KrF)

 

* Jeg forventer at regjeringen bidrar til en god regional balanse i fordelingen av offentlige arbeidsplasser i Nord-Norge. De særskilte utfordringene knyttet til Finnmark og Vadsø må vektlegges, sier saksordfører for regionreformen Andre N. Skjelstad (Venstre)

 

Fakta:

 

Finnmarksloven gjelder i dag for fast eiendom og vassdrag med naturressurser i Finnmark fylke. Finnmarksloven vil fortsatt gjelde etter en sammenslåing mellom Finnmark fylkeskommune og Troms fylkeskommune.

 

Sammenslåingen av Troms og Finnmark får ikke konsekvenser for tiltakssonen for Finnmark og Nord-Troms.

 

Stortinget behandler regionreformen 8. juni.

-Almmuhus-