-Almmuhus-
-Almmuhus-
OĐĐASAT Finnmárku oassálastá máilmmi stuorámus guolástusmeassuin

Finnmárku oassálastá máilmmi stuorámus guolástusmeassuin

-

-

Finnmárkkus ja Romssas lea ovttasbargu internášunála guolástusmeassuid oktavuođas. Boađus das lea dat maid gohčodit Árktalaš máhttun ja sin ságain sáhttá fitnat jus leat Troanddimis dán vahkku.

Finnmárkku fylkkagielda oassálastá máilmmi stuorámus guolástusmeassuin Aqua Nor, mat lágiduvvojit Troanddimis. Dat álggii odne, borgemánu 15. beaivvi ja bistá borgemánu 18. beaivái. Meassuid ulbmil lea ovttasbargu ja lassiváikkuhusat.

 

Árktalaš máhttu

Meassuin leat sihke seminárat, logaldallamat, debáhtat ja vuovdalanbeavddit, earret eará Finnmárkku ja Romssa fylkkagieldda oktasaš beavdi, mas lea namma Arktisk Kunnskap dahje Árktalaš máhttu.

 

Lassiváikkuhusat
Fylkkavárresátnejođiheaddji Ragnhild Vassvik lohká dát ovttasbargu Finnmárkku ja Romssa gaskka galggašii earret eará addit lassiváikkuhusaid.

– Mihttun dáinna ovttasbargguin lea buktit synergiijaváikkuhsa, buoridit ovttasbarggu ja addit lassiváikkuhusaid Romssa ja Finnmárkku mearradoalloealáhussii, lohká Vassvik.

 

Oassálastet Finnmárkku bealis

Fylkkavárresátnejođiheaddji Ragnhild Vassvik, gelbbolašvuođa váldolávdegottijođiheaddji Johnny Ingebrigtsen, ealáhus- ja davviguovlluhoavda Hilde Mietinen ja erenoamašráđđeaddi Johanne Salamonsen oassálastet Finnmárkku fylkkagieldda bealis. Dasa lassin leat Davvinjárgga joatkkaskuvllas guokte oahppi ja okta oahpaheaddji geat oassálastet meassuin.

 

Dán dieđiha Finnmárkku fylkkagielda preassadieđáhusas.

- Advertisement -
-Almmuhus-