Muhtun bellodagat sáhttet váikkuhit ja doalahit Finnmárkku sierra regiovdnan.
Muhtun bellodagat sáhttet váikkuhit ja doalahit Finnmárkku sierra regiovdnan.
– Bargiidbellodat hástala Olgeža, Ovddádusbellodaga, Gurutbellodaga ja Risttalaš Álbmotbellodaga rievdadit mearrádusa bággo-oktačaskit Finnmárkku ja Romssa, dadjá Jonas Gahr Støre.
Čielga eanetlohku
Álbmotjienasteapmi Finnmárkkus miessemánu 14. beaivvi čájeha čielga eanetlogu hilgut bággo-oktiičaskima Romssain.
87 % vuostejiena ja 58 % oassálastin lea álbmotjienasteami čielga diehtu ahte lea vuosteháhku.
– Lea stuora boasttuvuohta oktiičaskit dan guokte davimus fylkka bákkuin. Stuora gaskkat ja earenoamáš sajádat dagaha dehálažžan sihkkarastit Finnmárkku saji ja válddi, dadjá Bargiidbellodaga Jonas Gahr Støre preassadieđáhusas.
Jus okta dahje eambbo bellodagat dáin bellodagain geat leat jienastan bággo-oktačaskima, Ovddádusbellodat, Olgeš, Risttalaš Álbmotbellodat dahje Gurut, spiehkastit, šaddá eanetlohku doalahit Finnmárkku sierra regiovdnan, nu go Finnmárkku álbmot čielgasit leat dieđihan iežaset háliidit.
