Fylkkasátnejođiheaddji gáibida suodjalusa lasihit doaimmaid Porsáŋggus ja Mátta-Várjjagis.
Fylkkasátnejođiheaddji gáibida suodjalusa lasihit doaimmaid Porsáŋggus ja Mátta-Várjjagis.
Fylkkasátnejođiheaddji Runar Sjåstad čoahkkinastá odne Porsáŋggu gielddain.
– Mii áigut ráhkadit oktasaš strategiija ja vuoruhemiid ráđđehusa guhkit áiggi plánaide maid leat evttohan, muitala Sjåstad.
Nannet Finnmárkku
Fylkkasátnejođiheaddji muitala Finnmárkku fylkkagieldda vuordit suodjalusa mii bargá buot vejolaš dáhpáhusaiguin mat sáhttet čuožžilit, ja ahte fokusere davviguovlluide.
– Našunála resurssat leat dehálaččat ollislašvuhtii davviguovlluin. Min váldodeaddu lea njuolgut resurssaid bidjat vai nanne Finnmárkku, ja erenoamážit Porsáŋggu, muitala fylkkasátnejođiheaddji.
Finnmárkku fylkkagielda háliida nannet dáid resurssaid davviguovlluin
– Suodjalusa stašuvnnat ja vuotnaradara nannet vai sihkkarastit vákšuma ja dieđiheami.
– Nannet jagergirdiid, Orion ja čázevuolfatnasiid.
– Suodjalusa nannet, erenoamážit Finnmárkkus, buoret vuojániiguin ja stuorát vearjosystemaiguin vai lea ođđaáigásaš njunušsuodjalus gáttis.
– Suodjalussii buoret helikopterresurssaid vai lea álkit johtit.
– Buorebut heivehit NATO responsajoavkkuide hárjehallamiiguin ja heivehuvvon infrastruktuvrra.
