-Almmuhus-
SMÁVVAOĐĐASATFinnmarks­løpet šaddá máilmmi­meašttirgilvun

Finnmarks­løpet šaddá máilmmi­meašttirgilvun

-

-

Boahtte jagi šaddá Finnmarksløpet beanavuodjingilvu máilmmimeašttirgilvu guhkes gaskka beanavuodjimis. 

IFSS, International Federation of Sleddog Sports, lea mearridan ahte Finnmarkløpet beassá leat boahtte jagi máilmmimeašttirgilvvu lágideaddjin. Dat lea nuppes go Finnmarksløpet lea máilmmimeašttirgilvu.

– Mis lea nanu namma ja leat čájehan áiggiid čađa ahte máhttit lágidit stuora gilvvuid daid buoremus rámmaid siskkobealde. 2015:s lei maid máilmmimeašttirstáhtus min gilvvus, ja dalle manai hui bures lágidemiin. Dasa lassin bijaimet maid ođđa oasseváldeolahusa dan jagi, dadjá Finnmarksløpet beaivválaš jođiheaddji Birgit K. Haugland finnmarkslopet.no ruovttusiidui

Sii árvvoštallet ahte Finnmarksløpet vuolgga lea seamma áiggi go dábálaččat, ja de lea jáhkkimis njukčamánu 10. beaivvi vuolgga Álttás.  

-Almmuhus-