Mánáid válggain Finnmárkkus lei Bargiidbellodat ja Olgeš mat ožžo eanemus jienaid.
Mánáid válggain Finnmárkkus lei Bargiidbellodat ja Olgeš mat ožžo eanemus jienaid.
Mánáid válggain ožžo Bargiidbellodat ja Olgeš eanemus jienaid Finnmárkkus. Unnimus jienaid oaččui Guovddášbellodat.
Badjel 60 000 jienasteaddji
Badjel 60 000 máná jienastedje mánáid válggas. Sii jienastedje dan bellodaga man sii háliidit galggašedje beassat mearridit ja dál leat bohtosat gárvásat.
Davviguovllu Redd Barna lea rámis go ná olu mánát leat jienastan.
– Lea nu somá go nu olu mánát dáppe Davvi-Norggas leat áŋgiruššan dán válgii! Mii dáppe Redd Barna organisašuvnnas leat hárjánan dasa ahte mánáin leat olu ja garra oaivilat makkár min servodat ja máilbmi galggašii leat, ja dan dihte lea hui buorre go sii besset daid oaiviliid oažžut ovdan mánáid válgga bokte, lohká Gro Davidsen, Davviguovllu Redd Barna doaibmi jođiheaddji preassadieđáhusas.
Riikaviidosaš mánáid válga
Mánáid válga lea Redd Barna ja NRK Super ovttasbargu geahččalan dihte oččodit mánáid áŋgiruššat ja beroštit politihkas, dasa lassin go mánáide addo jietna servodagas.
Gro Davidsen lohká ahte dán jagáš válga, mii lea vuosttaš riikaviidosaš mánáid válga Norggas, sáhttá nanusmahttit bellodagaid politihka mánáid áššiin ja ahte dat sáhttá addit mánáide nannosit jiena demokratiijas.
