-Almmuhus-
-Almmuhus-
-Almmuhus-
OĐĐASATFinnmárkkus njiedjá buozalmasvuođajávkán eanemus olles Norggas

Finnmárkkus njiedjá buozalmasvuođajávkán eanemus olles Norggas

-

-

Finnmárkkus lei riika eanemus njiedjan buozalmasvuođajávkamis, 4. kvartálas 2016, ja lea dál 6,1 proseanta, mii lea 5,2 proseantta njiedjan seamma áiggis 2015.

– Lea illudahtti ahte mis leat nu buorit logut mas Finnmárkkus dábálaččat lávejit logut vuollin ja leat dal badjin logut, lohká NAV fylkadirektevra Nina Haugen.

 

Buorre treanda

Maiddái goalmmát kvartálas 2016 lei Finnmárkkus eanemus njiedjan buohtastahttojuvvon 2015 goalmmát kvartálain.

– Dat njulgestaga buore treanda. Olles mannan jagi buot kvartálain njiejai buozalmasvuođa jávkan, lohká Haugen.

 

Ovttasbargu

Son čujuha ahte leat máŋga siva manne buozalmasvuođajávkan Finnmárkkus njiedjá.

– Lagas ovttasbargu gaskal NAV ja bargoeallima beliiguin máŋga jagi badjel lea addán vejolašvuođa juohkit máhtu Finnmárkkuservodahkii buriid buohccindieđihanpraksisa birra.

 

Buohkain seamma mihttu

Haugen čujuha maid ahte fylkka NAV-kantuvra dagai ollu rievdademiid movt čuovvolit buozalmasvuođajávkamiid, erenoamážit aktivitehtagáibádusa maŋŋel gávcci vahkku buozalmasvuođajávkama.

– Dat lea bissovaš ortnet min bargovugiin ja šaddá gelddolaš oaidnit bohtosiid das viidáseappot. Das leat son guhte lea buohccindieđihuvvon, bargoaddi, doaktárat ja NAV ovttas bargame seamma mihtu guvlui.

 

Kampánja jođus

Dán dálvvi lea NAV Bargoeallinguovddáš čađaheame kampánja « Myhtat buohccindieđiheami birra» sosiála mediain. Dat lea jurddašuvvon vai lassána graderejuvvon buohccindieđiheapmi ja ipmárdus bargoaddiin ja bargiin maid graderen dahje olles buohccidieđáhus duođas mearkkaša.

– Dán kampánja lea Finnmárku Fátmmasteaddji Bargoeallin-ráđđi vuolggahan, ja mis lea alla vuordámušat diehtojuohkinbargui mii dáhkko galgá buktit bohtosiid vildaseappo dán jagis, lohká Haugen.

 

Norggas lassána veaháš

Obbalaččat riikii lassána buozalmasvuođa jávkán veaháš. Obbalaš buozalmasvuođajávkan Norggas lea 6,4 proseantta. Buohtastahttojuvvon goalmmát kvartálain 2016 lassánii ieš dieđihuvvon buozalmasvuođajávkan 5,1 proseanttain, ja doavttir dieđihuvvon jávkan lassánii 1,0 proseanttain.

 

Dás oainnát Finnmárkku suohkaniid buozalmasvuođajávkamiid loguid jagi 2015 ja 2016 :


 

 

 

-Almmuhus-