Finnmárku lea inspirašuvdnan eará regiovnnaide.
Finnmárku lea inspirašuvdnan eará regiovnnaide.
Oahppodirektoráhta ođđa logut čájehit ahte Finnmárkkus ii bisán oahpposajiid lassáneapmi. Diibmá lei 20 800 oahppis oahpposadji.
Dat mearkkaša ahte Finnmárkkus lea lassáneapmi 47,76 proseantta oahppošiehtadusain, 312 2012:s gitta 461 2017:i.
– Finnmárkkus lea eahpitkeahttá stuorámus lassáneapmi proseanttas oahppošiehtadusain, mii lea hui somá. Inspirašuvndnan maid eará regiovnnaide. Priváhta ealáhusdoaimmas leat ain eanemus oahpposajit, muhto mii oaidnit ahte almmolaš sektorat barget bures ja lassánit, dadjá Stuoradikki oahppolávdegotti jođiheaddji, Roy Steffensen (FrP) preassadieđáhusas.
32 proseantta lassáneapmi
Dan maŋemus vihtta jagi leat suohkanlaš sektoris leamaš 32 proseantta eambbo oahpahalli.
Stáhtalaš sektoris fal lea lassánan 25 proseantta. Seamma áigodaga lea priváhta sektoris lassánan 16 proseantta, boahtá ovdan oahppodirektoráhta statistihkas fága- ja fidnooahpahusas.
