Dat man olu mánáid politiijat dutket rohcošan- ja veahkaváldináššiid dutkanlogut rievddadit hui olu Norgga politiijaguovlluid gaskkas.
Dat man olu mánáid politiijat dutket rohcošan- ja veahkaváldináššiid dutkanlogut rievddadit hui olu Norgga politiijaguovlluid gaskkas.
Norggas leat logi nu gohčoduvvon «mánáidviesu», gos politiijat dahje duopmárat gažadit dahje dutket mánáid rohcošan- ja veahkaváldináššiin.
Dan vuođul de maid dávjá mearridit lea go nu ahte mannet viidáset áššiin vai eai.
Man olu dakkár jearahallamat čađahuvvojit, muitala maid man olu politiijat vuoruhit dutkat dákkár áššiid. Dan čállá Aftenposten.
Ássanbáiki mearrida
Logut, maid Unicef leat almmuhan raporttas, čájehit ahte diibmá dutke viđa geardde eambbo mánáid rohcosan- ja veahkaváldináššiin Nuorta-Finnmárkkus go ovdamearkka dihte Bærumis, Lulli-Norggas.
– Ássanbáiki ii galgga mearridit man duođalaččat politiijat váldet dákkár áššiid, lohká Unicef juridihkalaš ráđđeaddi, Ivar Stokkereit.
Unicef leat viežžan loguid «mánáidviesuin», das man galle jearahallama guđege politiijaguovlu lea čađahan doppe mánáin.
Seammás go Asker ja Bærum, ja Rogalándda politiijaguovllut čađahedje 2,3 dutkama juohke 1000 mánás, de lei lohku 11 Nuorta-Finnmárkkus.
