-Almmuhus-
SMÁVVAOĐĐASATFinnmárkku Pensionista­searvvis lea ođđa stivra

Finnmárkku Pensionista­searvvis lea ođđa stivra

-

-

Deatnulaš Jan Atle Samuelsen luohpá jođiheaddjin ja Reidar Nilsen jođihišgoahtá searvvi.

Finnmárkku Pensionistasearvi čállá preassadieđáhusas ahte sin jahkečoahkkimis geassemánus válljejuvvui Reidar Nilsen, Ákŋoluovttas, ođđa stivrrajođiheaddjin, maŋŋá go deatnulaš Jan Atle Samuelsen luobai jođiheaddji ámmáhis.

Nubbijođiheaddji lea Arnhild Hegge, Čáhcesullos eret, ja stivralahtut leat Roald Basma, Mátta-Várjjagis, áltálaš Bernt Tande ja kárášjohkalaš Vigdis Stordahl.

Ođđa stivrras lei vuosttaš stivrračoahkkin Kárášjogas suoidnemánu 7. beaivvi. Doppe digaštalle áššiid maiguin stivra háliida bargat.

Dán jagi leat stuorradiggeválggat ja Pensionistasearvvis lea válgačoahkkin Finnmárkku politihkkáriiguin Hámmerfeasttas borgemánu 23. beaivvi. Dohko boahtá maid searvvi jođiheaddji, Jan Davidsen.

Stivra pláne maid doallat rabas čoahkkimiid eará báikkiin, gosa báikkálaš politihkkárat bovdejuvvojit.

-Almmuhus-