Juohke viđat nuorra, gii bođii Suodjalusa sešuvdnii 2016:s, lei beare lossat. Finnmárkku nuorain lei sullii juohke goalmmát nuorra beare lossat.
Juohke viđat nuorra, gii bođii Suodjalusa sešuvdnii 2016:s, lei beare lossat. Finnmárkku nuorain lei sullii juohke goalmmát nuorra beare lossat.
Álbmotdearvvašvuođainstituhta doavttir Håkon Meyer lohká P4 radiokanálii ahte son vuorjašuvvá dainna ovdánemiin.
2016:s ledje 22,5 proseantta buot 17-jahkásaččain buoiddit sis geat ledje sešuvnnas. Dat lea lassáneapmi 2011 rájes.
Finnmárkkus losimus nuorat
Meyer čujuha ahte nuorain, geat leat badjelmeare buoiddit, sáhttá čuohcat iešdovdui ja stigmatiserejuvvojit. Dasa lassin sáhttet dávddat álkibut čuožžilit, nu go sohkardávda ja váibmo- ja varrasuotnadávda.
– Jus olles álbmot lossu, ja dat álgá nuorran jo, de sáhttet dát dávddat boahtit árabut ja leat stuorát vihkin, lohká son P4ii.
Álbmotdearvvašvuođainstituhta logut čájehit ahte leat eanemusat Finnmárkku nuorain geat leat badjelmeare lossadat, 30,2 proseantta nuorain. Dat lea measta beali eanet go Oslos.
(©NTB)
