Leat eanemus borgguheaddjit Finnmárkkus, gos 2:s 10 olbmos borgguhit beaivválaččat čájehit diimmá logut. Nuorat borgguhit maid eanet go boarrásepmosat Finnmárkkus.
Leat eanemus borgguheaddjit Finnmárkkus, gos 2:s 10 olbmos borgguhit beaivválaččat čájehit diimmá logut. Nuorat borgguhit maid eanet go boarrásepmosat Finnmárkkus.
Eanemus borgguheaddjit orro Finnmárkkus jagiin 2008:s 2011 rádjái. Borgguheaddjilohku lea unnon 2012 rájes 2015 rádjái. Boarrásepmosat (45-74 jagi) borgguhit eanemusat measta buot fylkkain. Telemárkkus ja Finnmárkkus leat eanemus nuorat geat borgguhit.
Lulli- ja Davvi-Trøndelágas ja Nordlánddas orrot sii geat eanemusat geavahit snuvssaid 2008 áigodagas 2015 rádjái. Eanemus lassáneapmi snuvssaiguin lei Telemárkkus, Aust-Agderis, Hordalánddas ja Finnmárkkus.
Boarrásepmosat eanemus
Olles Norggas leat 13 proseantta geat lohket beaivválaččat borgguhit 2015:s. Boarrásepmosat leat sii geat eanemusat borgguhit, ja eanemus borgguheaddjit leat gaskkal 55-64 jagi boarrásat. Finnmárkkus leat ges eanemus nuorat geat borgguhit.
Ollislaččat lea borgguheapmi unnon beliin jagi 2005 rájes. Eanemus nissonolbmot gaskkal 16-44 jagi leat unnidan borgguheami.
Snuvssat
2011 rájes ii leat snuvssaid geavaheapmi unnon bearehaga. Lea vuosttažettiin dat soames háve geavaheapmi mii lea unnon, ja leat ain eanemus dievddut geat geavahit snuvssaid. Nissonolbmuid bealis lea ain seamma ollu geavaheapmi go ovdal. Nu čájehit logut maid Statistisk Sentralbyrå lea almmuhan.
