Dáid geassemánuin, geassemánus, suoidnemánus ja borgemánus, leat 1055 skuvlaoahppi Finnmárkkus oassálastán sommerles.no digitála lohkankampánjii masa sii leat dieđihan makkár girjjiid sii leat lohkan dán geasi.
Dát 1055 oassálasti leat lohkan 12 985 girji mas leat oktiibuot 1 337 820 siiddu.
Oassálastit leat ožžon digitála bálkkašumiid, viežžan bálkkašumiid girjerádjosis ja lohkan geasselohkanmuitalusa «‹Jakten på tidstyven».
Bálkkašumiid juohkin
Dál lea kampánjaáigodat loahppan ja bálkkašumiid ferte viežžat girjerádjosis ovdal čakčamánu 14. beaivvi.
Maŋimuš beaivvi borgemánus loahpahuvvui ja giddejuvvui geasselohkankampánja, dál dušše oidnojit geasselohkama neahttasiidduin girječálli Mari Moen Holsve dearvvuođat, gos son sávvá buohkaide geat oassálaste buori skuvlajagi.
Loahpahusfeasttat
Oassálastit sáhttet vuorddašit boahtte geassái ja váldit fas atnui geasselohkansiidduid. Muhto álggus háliidit girjerádjosat lágidit feastta daidda geat leat oassálastán.
Gávnnat eanet dieđuid Finnmárkku girjerádjosa neahttabáikkis.
