Odne, čakčamánu 2. beaivvi, bovde Finnmárkku Klinihkka buohkaid rabas beaivái.
Odne, čakčamánu 2. beaivvi, bovde Finnmárkku Klinihkka buohkaid rabas beaivái.
Finnmárkku Klinihkka Rávdojogas Kárášjogas rahpá odne diibmu 12:00 uvssaid buohkaide geat háliidit oahpásmuvvat klinihka bargui. Ulbmil rabas beivviin lea oainnusin dahkat sin doaimma ja maiddái sin barggu mii guoská gárrendilledikšui ja gárrendilleváttisvuođaide. Rabas beaivi bistá 18:00 rádjái.
Fágalaš prográmma
Rabas beaivvi doalut lágiduvvojit jahkásaččat ja olusat fitnet galledeamen. Guossit leat sihke skuvlaoahppit ja earát Kárášjogas eret, muhto maiddái eará gielddain Finnmárkkus.
Klinihka bargit vuostái váldet ja láidestit gussiid beaivvi miehtá. Dása lassin lágiduvvo fágalaš prográmma, gos ovddeš pasieanta muitala iežas gárrendilledivššu vásáhusaid birra. Politiijabálvá Robin Å. Lindberg muitala politiija ja Kárášjoga nuoraid gárrendilisoahpamuša birra. Hoavdadoavttir Ragnhild Steen muitala ges darvánanváttisvuođaid ja gárrendili váikkuhusaid birra.
Finnmárkku klinihka birra
Finnmárkku klinihkas lea almmolaš spesialistainstitušuvdna badjel 18-jahkásaš olbmuide geain leat gárrendille- ja darvánanváttisvuođat. Finnmárkku klinihkas lea jándorossodat ja poliklinihkka mas leat 12 saji.
Finnmárkku klinihkka ásahuvvui jagi 1980:s ja lea oassi spesialistadearvvašvuođabálvalusas mii gullá fágaidrasttildeaddji spesialiserejuvvon gárrendilledikšui (FSD). SÁNAG Finnmárkku klinihkas lea erenoamážit ovddasvástádus sámi álbmoga dustet.
