Girkonjárgga, Čáhcesullo, Várggát, Álttá, Guovdageainnu ja Davvinjárgga joatkkaskuvllaid oahppit gilvaledje šaddat Finnmárkku buoremussan fidnofágas. Dál besset meašttirat gilvalit Norgga gilvvus ja árktalaš gilvvus.
Girkonjárgga, Čáhcesullo, Várggát, Álttá, Guovdageainnu ja Davvinjárgga joatkkaskuvllaid oahppit gilvaledje šaddat Finnmárkku buoremussan fidnofágas. Dál besset meašttirat gilvalit Norgga gilvvus ja árktalaš gilvvus.
52 fidnofága oahppi gilvaledje duorastaga šaddat Finnmárkkumeašttirin Girkonjárgga joatkkaskuvllas. Maŋŋel gilvvu lei duopmárčoahkkin, ja diibmu 15.00 almmuhedje vuitiid iešguđet fidnofágain.
Vuoitit besset viidáseappot Norgga skuvllaid gilvui ja Arctic Skills gilvui, gos Finnmárkku oahppit gilvalit Ruošša ja Suoma ohppiid vuostá. Arctic Skills lágiduvvo Durdnosis dán jagi.
Fitnodagat fuomášit čehppodaga
Gilvvuid mediaovddasvástideaddji, Stig Nytun, muitala ahte skuvlagilvvut leat ávkin go eambbogiid galget oažžut fidnofágaide.
– Mii leat vásihan ahte oahppit leat ožžon fálaldaga álgit oahpahallin fitnodagaide jo gilvvuid vuolde, muitala Nytun ja lohká ahte gilvvut doibmet čájáhallanreaidun fidnofágaide gos fitnodagat ohcet boahtteáiggi bargiid.
Oahpásmuvvet fitnodagaiguin
Birrasiid 200 nuoraidskuvlaoahppi finadedje Girkonjárgga joatkkaskuvllas, lassin skuvlla ohppiide, go Oahpahus- ja ealáhusseminára lágiduvvui oktanaga skuvllas.
– Oahppit besse lagabut oahpásmuvvat fitnodagaiguin gos soitet boahtteáiggis bargat, muitala gilvvuid ovddasvástideaddji Joakim Pettersen preassadieđáhusas maid fylkkasuohkan lea sádden.
Finnmárkkumeaštárat fidnofágain leat:
Vuosttažin | Nubbin | Goalmmádin | |
Vuoktačuohppi: | Andrea Solveig Halstensen Rimala | Nora Sund Sørensen | |
Áhcaheaddji: | Gunn Tove Holmstedt | Steinar Andre Karisari | Joona Samuli Guttorm |
Biila láhkkejeaddji/ Biilarokčendivodeaddji: | Natalie Jørgensen Olsen | Andre Hjelm Hågensen | Dag-Even Lindseth |
Dearvvašvuođa fágabargi: | Joavku: Kristine Nilsen og Tonje Espelid Paulsen | Joavku: Linn-Charlotte Stormo og Miriam Agnethe Petterson | |
Dearvvašvuođa fágabargi, individuála: | Malene Johnskareng Erke | Thanooserm «Pinky» Aksarapak | |
Biilamekanihkkár: | Eirin Andersen Nødtvedt | Brede Isaksen | Fredrik Hydle Rydheim |
Rusttetmašiidnavuoddji: | Emil Lillevik | Børge johansen | Niilas Kemi Hætta |
Elektrihkkár: | Torbjørn Antonsen | ||
Goahkka: | Julia Synnøve Andersen | Kristian Haldorsen | |
Dárju: | William Nikolay Hansen | Eirik Oshaug Ollila | Mads Togstad |
Huksejeaddji: | Johannes Ærø | Mikael Nilsen Kemi | Oula Heikki Klemetti Gaup Näkkäläjärvi |
Bohccebargi: | Knut Martin Kivelæ | David Hjelde Pettersen | Joakim Eliassen ja John Markus Karlsen |
IKT – bálvalusfága: | Karl-Ivar Rødberg Granshagen | Vegar Henriksen | Daniil Savchuk ja Marius Radem Thomassen |
Hábmen ja duodji: | Ina Máret Gaup | Monika Holmen Hætta | Máret Julianne Gaup |
Boazodoallofága: | Sara Berit Ellen Bongo ja Nils Olaf Eira Hætta | Ingá Márjá Lango |