-Almmuhus-
-Almmuhus-
-Almmuhus-
OĐĐASATFinnmárkku buohcceviesuid dilli dál

Finnmárkku buohcceviesuid dilli dál

-

-

Finnmárkku buohcceviessu sádde dieđuid dili birra koronavirusa ektui. Dán áššis, mii dađistaga ođasmahttojuvvo, sáhtát lohkat dan birra.

Finnmárkku buohcceviessu dieđiha ahte sis dál lea fiskes gearggusvuohta, ja sis lea buore kapasitehta vuostáiváldit pasieanttaid. Oktiibuot 106 olbmo leat addán dieđu ahte sáhttet bargat jus šaddá dárbu.

– Mii leat odne ožžot ovtta ođđa pasieantta geas lea duođaštuvvon koronavirus, čállá Finnmárkku buohcceviessu preassadieđus.

Skype bokte veahkehit heađásnuvvan nuoraid ja mánáid

Mánáide ja nuoraide lea vejolaš váldit oktavuođa Sámi klinihkain jus leat heađásnuvvan diliin mii dál lea Koronavirusa ektui. Boahtte vahkku rájes, mánnodaga njukčamánu 23. beaivvi rájes fállet BUP SÁNÁG:s Skype-ságastallamiid nuoraide vuollel 18 jagi koronavirusa birra. Lea maid fálaldat váhnemiidda. Dát fálaldat lea sihke sámegillii ja dárogillii, ja lea fálaldat olbmuide Guovdageainnus, Deanus, Porsáŋggus, Kárášjogas, Davvesiiddas, Unjárggas ja Gáŋgaviikkas.

Oallugat riŋgejit

Maŋemuš vahkku lea 30 proseantta eambbo olbmot riŋgen Finnmárkku buohcceviesuide, ja dat buktá hástalusaid. 

– Bivdit olbmuid riŋget koronatelefuvnnaide mat leat ásahuvvon, ja riŋget 113 ja 116117 dušše go lea heahti dahje dárbu doavtterveahkkái buozalmasvuođa dihte.

– Bivdit maid ipmárdusa ahte dán dilis mas leat dál, sáhttá váldit guhkit áiggi ovdal sáhttit vástidit gažaldagaid, čállet preassadieđus.

Golbma koronapasieantta Finnmárkku buohcceviesuin

Odne lea duođaštuvvon okta ođđa koronapasieantta Finnmárkkus, ja dál lea oktiibuot golmma olbmos duođaštuvvon koronavirus. Finnmárkku buohcceviesu bargiid gaskkas leat 61 bargi erregis, muhto ii oktiige leat njommon dávda. 

Sisabeassandárkkistus

Finnmárkku buohcceviesuin lea ásahuvvon sisabeassandárkkistus. Dál eai beasa eare pasieanttat, riegádeddjiid guoimmit, mánáid dahje buhcciid lagamus oapmahaččat sisa, ja váldouvssaid luhtte dollojuvvot dárkkisteamit. 

-Almmuhus-