Finnmárkku buohcciviessu bajida gearggusvuođa ruoná dássái girditeknihkkáriid bargoheaitaga dihtii, ja maŋidit 80 diŋgojuvvon pasieantamátkki vuossárgga.
Dan dieđiha buohcceviessu Twitteris.
– Dat mearkkaša ahte čuovvut dilálašvuođa ja árvvoštallat buhtadandoaibmabijuid doppe gos lea vejolaš ja dárbbašlaš, čállá buohcceviessu.
Ruoná lea vuolimus gearggusvuođadássi.
– Mis ledje badjel 80 diŋgojuvvon pasieantamátkki odne maid eai sáhttán čađahit. Muhtumat leat dáppe Finnmárkkus, muhto oassi lea Finnmárkkus ja Romssas. Dát leat plánejuvvon diimmut mat fertejit plánejuvvot ođđasit, dadjá gulahallanhoavda Eirik Palm VG:i.
Dagbladet dieđuid mielde de šluhtte buohcceviessu eambbo doavtterdiimmuid go spesialisttat eai joavdda buohccevissui.
Maiddái Helgelándda buohcciviessu bajida gearggusvuođa vuossárgga, fiskes dássái. Sivvan lean go Widerøe lea gidden osiid oanehisšilljogirdimis. (©NTB)
