-Almmuhus-
MAGASIIDNAFinnmárkku birra traktoriin

Finnmárkku birra traktoriin

-

-

Otne vuossárgga vuodjá Jim-Hugo Arild traktoriin miehtá Finnmárkku čájehit iežas kundda­riidda vuojána.

– Válljejin ná fitnat čájeheamen mu kundariidda dán ođđa ­tráktora. Mu bargoskihpárat dat evttohedje dán vuogi go lea nu guhkes gaskkat dáppe ja divrras sáddet maidege. Lea álkimus finastit tráktoriin kundariid ­luhtte vuoji. Geasehan iežan biilla vai beasan vuojestit ruovttus dahje idjadansadjái. Lea vuosttaš geardde go ná dagan, muitala Jim-­Hugo Arild.

Son lea Felleskjøpet vuovdi ja áigu fitnat sullii  250 kundara luhtte miehtá Finn­márkku, čájeheamen dán bargovuojána.

 

Vudjet meattá váralaš sajis

Jim-Hugo Arild muitala son vuodjá 50 km/d tráktoriin ja lea Ráissas Áltái vásihan biilavuddjiid geat vudjet su meattá váralaš sajis.

Dat dat su mielas lea stuorámus hástalus biilavuddjiide.

– Olusat eai nagot árvvoštallat man jođánit mun vuoján. navdet mun 30 km/t vuoján, eai ge nagot árvvoštallat man guhkes áiggi ja gaskka sii dárbbašit mu meattá vuodjit, lohká Jim-Hugo Arild gii dábálaččat vuodjá biilla.

 

Illuda somás mátkái vuolgit

Jim-Hugo Arild muitala lea vuosttaš geardde go vuolgá dákkár vuovdinmátkái.

– Jáhkán šaddat somás mátki ja deaivvan olu hávskes olbmuid. Illudan deaivat buohkaid.

 

200 miilla mátki Finnmárkkus

Arild vuoddjái Ráissas maŋŋe­bárgga geassemánu 11. beaivvi ja duorastaga joavddai Áltái. Geasse­mánu 17. beaivvi dolle Guovdageidnui ja Kárášjohkii.

Son finada máŋgga báikkis Finnmárkkus.

Suoidnemánu jorggiha fas ruovttuluotta Áltái.

Oktiibuot lea su mátki 200 miilla guhku.

-Almmuhus-