Sámi Grand Prix vuoiti hástala du searvat iežas ođđa musihkkavideoi.
Sámi Grand Prix vuoiti hástala du searvat iežas ođđa musihkkavideoi.
«SÁPMI! Dárbbahan du veahki» čállá davvi-Ruoŧa lávlu ja juoigi Facebook:ai olahan dihte olbmuid. Sofia Jannok ođđa lávlagii «This is my land» galgá buvttadišgoahtit musihkkavideo, masa dárbbaša olbmuid geat servet.
– Háliidan ahte don filbmet iežat ruovttu, váriid, duoddariid, jávrriid, miessemearkuma, mehciid, sáttogáttiid, jogaid. Filbmes juoga man badjel don leat čeavlái, ja anát lahka váimmu. Filbme áinnas iežat maid, dahje muhtuma gii gullá sámi guvlui, čállá son Facebook:as.
Filmmaža sáhttá filbmestit mátketelefovnnain maid, dieđiha Sofia Jannok. Dat filmmat maid lávlu liiko buoremusat, válljejuvvot mielde.
Searvá dán jagaš Márkomeannu-festiválai
Sofia Jannok lea maid okta sis geat guoimmuhit Márkomeannu festiválas Evenáššis dán geasi.
Dán dieđiha NRK Sápmi.
