GUOIMMUHEAPMI Fierca galgá leat kreatiiva, čáhcealmmái ges fatmmastit vejolašvuođaid

Fierca galgá leat kreatiiva, čáhcealmmái ges fatmmastit vejolašvuođaid

-

-

Dás beasat lohkat maid astrologa einnosta boahtte vahkku dáfus.

FIERCA 

21/3-19/4

Dán vahkku lea buot láhččojuvvon dainnalágiin ahte galggat leat kreatiiva ja movttiidahtti.

Doaibmá buoremusat go seaguhat boares ja ođđa diŋggaid.

Dearvvašlaš jurddašeapmi ja árbevierru čanastuvvá geahččaladdamiin ja ođđafuomášumiin.

Gávnna iežat vuogi, ja čoavdde áššiid nu mo du mielas lea buoremus.

Soaitá ahte šattat veahá vuordilit ovdal go beasat johtui.

Muhto go de boađát johtui, de manná hui njuovžilit.

 

 

VUOKSÁ 

20/4-21/5

Dat mii addá buoremus bohtosa álggus vahkku, lea dat go geahččalat juoga ođđa ja gávnnat eará vugiid go daid maid lávet geavahit.

Go vuos leat beassan johtui, de lea fas buoremus máhccat ruovttoluotta vugiide maid máhtát ja dovddat buoremusat.

Dat addá dutnje dakkár dovddu ahte don leat gávdnan áibbas ođđa bálgá, seammás go váccát skuovaiguin mat eai skohpalastte.

Inspirašuvdna ja bohtosat vázziba giehtalaga. 

 

 

JUMEŽAT 

21/5-21/6

Soaitá ahte dus álggus vahkku lea ollu mokta ja energiija.

Gaskaboddosaččat ii soaitte nu álki ovddidit áššiid.

Dađi mielde go beaivvit hurget, de šaddá geahppaset ja geahppaset olahit konkrehtalaš bohtosiid.

Geahča gos vejolašvuođat čuožžilit, ja dohppe daid.

Fuomáš ahte vejolašvuođat dávjá bohtet earáid sávaldagaid ja dárbbuid olis.

Juoge, ja don boađát oažžut. 

 

REABBÁ 

22/6-22/7

Dán vahkku lea dehálaš ahte don hástalat ja geavahat iežat vejolašvuođaid.

Fertet gal seammás vuordit ahte lea rievttes áigi ja báiki, muhto liikká it galgga vuordit nu guhká.

Váldde vuhtii vejolašvuođa ja njuike fárrui go čuožžila sadji.

Ale vuordde ahte earát galget diehtit maid don sávat.

Mađi čielgaseappot ja garraseappot don ovddidat iežat sávaldagaid, dađi jođáneappot ollašuhtát daid.

Geige gieđa ja váld­de vuostá boahtteáiggi. 

 

LEDJON 

23/7-22/8

Mađi eambbo don barg­gat, dađi eambbo olahat.

Ii leat dárbu skurdnját ja ujostallat.

Bargga dan mii galgá dahkkot, ja doaimmat barggu.

Dán vahkku dus lea lihkku sihke ámmátlaččat, ruđalaččat ja praktihkalaš doaimmain.

Don leat dat guhte dieđát mii lea buoremus dutnje, ja maiddái dan mo dohko joavdat. I

t galgga guovttádastit.

Mađi eambbo don attát, dađi eamb­bo don oaččut.

 

 

BUHTISNIEIDA 

23/8-22/9

Don buoremusat olahat bohtosiid jus doaimmahat rievttes bargguid rievttes áigái.

Geavat iežat dáiddu guorahallat dilálašvuođa.

Ale veahkehala buohkaid ollašuhttemis sin sávaldagaid, muhto gávnnat baicca mo don sáhtát ollašuhttit iežat áigumušaid.

Dasto dagat dan mii gáibiduvvo joksat daid.

Dat mii earáid mielas soaitá leat joavdelas, dat lea du mielas dehálaš áigi mii lea geavahuvvon ovddidit bargguid. 

 

VIEHKAT 

23/9-22/10

Geavat áiggi alccat.

Gávnna iežat saji ja dovdda ahte leat oadjebas.

Ale divtte earáid du váikkuhit, muhto doalat iežat jurdagiid, oaiviliid ja nieguid.

Álgovahkku lea buorre oažžut ođđa jurdagiid johtui, seammás go sirret maid don duođai doaivvut ja oaivvildat.

Muđui lea dát vahkku buorre áigi gaskkustit ođđa fuomášumiid ja jurdagiid earáide. 

 

 

SKORPIUVDNA 

23/10-21/11

Suokkardala cealkaga: Ruovttoluotta boahtteáigái.

Dát cealkka addá dutnje vástádusa das maid sáhtát vuordit dán vahkku.

Fuomáš juoga ođđa ja dan baifáhkka.

Dakko bokte sáhtát ealáskahttit buriid miellalágiid ja vásáhusaid.

Muitte fal ahte don sáhtát juoga dušše oktii vásihit vuosttaš geardde.

Jus áiggut fas vásihit dan seamma gealdagasvuođa, de fertet juoga eará vásihit vuosttaš geardde.

Olu lihkku dainna. 

 

BÁHČČI 

22/11-21/12

Dát vahkku lea láhččojuvvon bargui, hábmemii ja stivrejupmái.

Mađi dárkileabbo don leat, dađi unnit šattat fas njulget maŋŋá.

Buoremus ráva lea njulgestaga geavahit jierpmálaš jurddašanvuogi.

Jiepmálaš jurddašanvuohki sáhttá leat liikká magihkalaš ja geahpas go muđui niegut ja višuvnnat.

Unni šaddá stuorisin. 

 

BÁKTEBOHKKÁ 

22/12-19/1

Dát vahkku lea vuogas illudit.

Bargga dan mii du mielas lea somá.

Beroškeahttá maid barggat, de jurddaš ahte dá lea juoga maid don rievtti mielde barggat astoáiggis.

Don dagat dan dušše danin go dus lea miella.

Illut go buot doaibmá.

Ávvut buktaga dihte, ahte don dinet ruđa dahje manat viidáset eallimis.

Dál manná buot nu njuovžilit, jus stoagat bargguid čađa.

 

ČÁHCEOLMMÁI 

20/1-18/2

Fátmmas vejolašvuođa.

Dál sáhtát njuovžilit muitalit dovdduid ja seammás čájehit gii don leat ja makkár áigumušat dus leat.

Čiekŋut áinnas jurdagiidda.

Oza lagasvuođa.

Luonddu riggodat sáhttá leat hirbmat gelddolaš.

Ovttastahte dovdduid doaimmaiguin.

Dovdda ja guldal luonddufámuid, ja návddaš ahte áicat, dovdat ja eallit. 

 

 

GUOLIT 

19/2-20/3

Jus oahpásmuvat ođđa olbmuiguin, de váldde sin bures vuostá.

Liikká lea dehálaš ahte don ieš dieđát gii don leat ja maid don áiggut.

Jus don beare oainnát sin ja vajálduhtát iežat, de gal sáhtát jorbbodit oalát.

Vuosttažettiin lea dehálaš ráhkistit iežat.

Čájet gii don leat, maid don háliidat ja jus boahtá vejolašvuohta, de galggat dohppet dan. 

- Advertisement -