-Almmuhus-
GUOIMMUHEAPMI Fierca ferte doapmat njozet, guolit ges fertejit jurdilit čiekŋalit

Fierca ferte doapmat njozet, guolit ges fertejit jurdilit čiekŋalit

-

-

Dát horoskohpa guoská guovvamánu 25. beaivvis gitta njukčamánu 3. beaivái.

FIERCA

21/3-19/4

Jus sáhtát ájahaddat johtilit dahje doapmat njozet, de lea dat buot buoremus.

Dán vahkus lea dat friddjavuohta čadnon dasa man olu don duođai sáhtát dasa luoitit.

It don áiggo makkárge fáru juksat, muhto baicce gávdnat friddjavuođa ja guođđit dan balu ahte it fáruid juvssa.

Eallimis leat ollu doaibmanvejolašvuođat, ja dat mii sáhttá billistit, lea ahte ieš goazahat iežat.
 

 

VUOKSÁ

20/4-21/5

Duolmmas fal nannosit nannámii. Jus leat muhtin áigge spierggadan, de dál gávnnat coavcci.

Dál sáhtát viimmat vuoiŋŋastit maŋŋá go leat dovdan noađi.

Don ávžžuhuvvot suohtastallat somás birrasis.

Muhto muitte fal su, geas dat bargu lea dan fuolahit ahte lea sajis vai beasat suohtastallat, dat leat don ieš.

Čorge stobu ovdal go njaŋggihat dahje álggát astoáiggedoaimmain masa liikot

 

 

JUMEŽAT

21/5-21/6

Dál lea dus lohpi niegadišgoahtit ja fantaseret.

Muhto buot buoremus lea jus sáhtát iežat hutkás jierpmi geavahit ja iežat hállanattáldagaiguin ovddidit fuomášumiid ja oaiviliid máilbmái.

Jus dáid áiggošat ollašuhttit de fertet earáid guldalit.

It dušše iežat dovdduid, muhto earáid maid.

Geavat attáldagaidat kameleonan leat, dat mii álo lea dat seamma, vaikke molsu ivnniid birrasa mielde.

 

 

REABBÁ

22/6-22/7

Jus dovddat iežat siste leat oadjebassan, de movttiiduvvot maid jus earáid luoittát lahka ja čájehit iežat gii don duođai leat.

Jus leat ain eanet oadjebas, de lea vejolaš matkkoštišgoahtit eallima váralašvuhtii.

Muitte fal, eai buohkat álo oainne ja ádde du dovdduid.

Ale geahččal sin rievdadit, muhto baicce bargga ovddasvástádusain, maiddái singuin geat leat garraseappot ja galbmaseappot go don.

 

LEDJON

23/7-22/8

Jus dus lea leamaš ollu bargu, de geahččal geargat daiguin dán vahkku mielde.

Lávvardaga rájes lea deháleabbo bidjat áiggi deaivvademiide ja háleštit olbmuiguin.

Dus leat ollu vejolašvuođat gelddolaš olbmuiguin deaivvadit, geat movttiidahttet ja hutket ođđa fuomášumiid.

Romantihkalaš dovddut maid álkit morihit dál.

 

BUHTISNIEIDA

23/8-22/9

Don ain šattat hui johtilit eahpesihkar earáide. Dahje leat go don vai du jurdagat mat dagahit dan?

Sáhttá leat ahte lea váttis bidjat rájáid ja diehtit justa maid háliidat.

Ihkinassii de ain juo joavddat guhkás háleštemiin áššiid birra.

Daguiguin ja áššiid doaibmamis máilmmis oaččut vástádusaid.

Go dat de leat čielgan, de lea stuorra vejolašvuohta bargat vaikke maid.

 

 

VIEHKAT

23/9-22/10

Dán vahkus lea vuogas áigi čorgenbargguide ja čábbudahttit ja ortnegii oažžut máŋga diŋgga.

Dat sáhttá leat bivttasskáhpe, basadanlanja dahje iežat eallindovdduid čorget.

Návddaš dan áiggi mii dus lea ruovttus ja ane árvvus dan go beasat leat ráfis ja vuoiŋŋastit, dalle go dat lea vejolaš.

Dán vahkku lea maid vuogas geahčadit ruhtadili ja čorget dan. Ale bala jearramis dan maid don oaivvildat iežat ánssášat.

 

 

SKORPIUVDNA

23/10-21/11

Hušas beaivvis, ollu siskkáldas dovdduiguin, gulul čáhkkejit saji jaskatvuhtii ja ráfivuhtii.

Váldde fal vuostá dan mávssu mii fállojuvvo.

Jus ii oktage fála maidige, de lea čielggas ahte dat lea du iežat bargu iežat gudnejahttit.

Smiehta don ánssášat dan, masa dus guhká lea leamaš miella.

Lea buorre hárjehallan, čájehit alccet ja earáide nu olu luohttevašvuođa maid jo nagodat.

 

 

BÁHČČI

22/11-21/12

Smiehta mat makkár dovddut ja vásáhusat dus leat das mii guoská earáid gaskavuhtii, speadjalastá go dat dan maid don vásihat.

Mađi eanet optimisttalaš ja positiiva leat earáide, dađi eanet positiiva leat alccet.

Inspirašuvdna ja mokta lea hui buorre skeaŋka.

Geavat daid nu ollu go sáhtát ja juogat earáiguin nu guhká go dus leat dat.

 

 

 

BÁKTEBOHKKÁ

22/12-19/1

Dál fertet iežat doškestit oalgái.

Dat lea danin go soaittát leat bargan juoga buori, dahje leat máhttán garvit doavkkes áššiid.

Jus vásihat ráhkesvuođa, váldde dan duođas ja vuojet dan nu guhkás go lea vejolaš.

Deháleamos lea dál rábmot iežat buot bargguid ovddas maid leat nagodan čađahit, ovdal go fas goargŋugoađát badjelebbui eallimis.

 

ČÁHCEOLMMÁI

20/1-18/2

Dán vahkus lea Čáhceolbmáin gelddolaš hástalus guldalit dárkilit iežaset.

Jurddaš man olu oahpat guldalit muhtima geas leat buoret ja gelddolaččat fuomášumit go dus.

Sáhtán lohpidit ahte don hirpmástuvat dainna.

Muhtimin hirpmástuvat dainna go fuomášat maid don ieš duođai oaivvildat.

Guldal iežat seamma guottuiguin go earáid ge livččet dahkan.

GUOLIT

19/2-20/3

Jurdil čiekŋaleappot. Guldal iežat siskkáldas rávnnjiid.

Doppe gávnnat máŋga vástádusa.

Smiehta go čiekŋudat iežat siskkáldasat, dat lea seamma go ohcat divrras dávviriid.

Dieđusge lea vuogas čorget plastihkaid ja eará ruskkaid mat govddodit ábis.

Muhto deháleamos dán vahkus lea dovdat gokko dat siskkáldas rávnnjit dus johtet ja daid čuovvut.

- Advertisement -
-Almmuhus-