Fidnooahpuid oahppit vásihit golmma gearddi eambbo givssideami go oahppospesialiserensuorggi oahppit.
Fidnooahpuid oahppit vásihit golmma gearddi eambbo givssideami go oahppospesialiserensuorggi oahppit.
Ođđa dutkan, man Hordalándda fylkkasuohkan lea čađahan, čájeha ahte oahppit fidnooahpuid oahppit vásihit golmma geardde eambbo givssideami go oahppit oahppospesialiserema oahppit.
– Mu mielas lea dat oba duođalaš ášši, lohká Hordalándda givssidanáittardeaddji Mari-Kristine Moberg NRK:i.
2,17 proseantta eambbo
Raporta čájehii ahte 3,27 proseantta fidnosuorggi ohppiin vásihit givssideami. 1,1 proseantta oahppospesialiserenohppiin vásihit givssideami.
Ii leat nu olu fysalaš givssideapmi, muhto lea sáhka olggušteamis, nuppi birra gilvit giellásiid ja nuppi dahkat bogostahkan.
Bártnit eambbo go nieiddat
Bártnit vásihit eambbo givssideami go nieiddat. Diibmá ledje beali eambbo bártnit go nieiddat geat lohke ahte sii vásihit givssideami.
– Lea hui dábálaš doaivut ahte bártnit «čielggadit áššiid dakkaviđe», muhto dat ii leat duohta, lohká Moberg.
Givssidankultuvra
– Doppe gos lea olu givssideapmi, doppe lea sáhka kultuvrras. Ovdamearkka dihte makkár láhttenvuohki ja hupmanvuohki lea olbmuin gaskaneaset. Áššiin maiguin mun lean bargan, lea maid leamaš digitála givssideapmi, lohká givssidanáittardeaddji.
Obbalašlohku ohppiin geat lohket ahte sii givssiduvvojit lea njiedjan. Diibmá lohke 2,66 proseantta ohppiin ahte sii givssiduvvojit. Dán jagi ges 2,08 proseantta. ©NTB
