Deanu nieida Signe Marie Fidje Store (20) heaibbui ikte Olympiagilvvuin Rio de Janeiros Brasilas, muhto ii lihkostuvvan beassat viiddáseappot gilvvuin.
Deanu nieida Signe Marie Fidje Store (20) heaibbui ikte Olympiagilvvuin Rio de Janeiros Brasilas, muhto ii lihkostuvvan beassat viiddáseappot gilvvuin.
Fidje Store heaibbui gávccádasfinálas ruoŧŧelaš nieidda Anna Jenny Franssona vuostá. Fidje Store šattai árrat táhpa vuollái, ja bávččagahtii vel oalggi ja nu vuoittáhalai loahpas 9-0. Fidje Stores ii lean duođaid vejolašvuohtage Franssona vuostá, gii lea maid ovddeš máilmmimeašttir.
Niehku bisánii
Doaivva lei ahte son galggai beassat joatkit jus Anna Jenny Fransson livččii vuoitán heaibuma japánalaš Sara Dosho vuostá semifinálas. Nu ii šaddan go Fransson vuoittáhalai, ja nu bisánii Fidje Store OG-niehku dán vuoru.
– Mun ii dieđe livččii go Signe Marie nagodan heaibut viidáset bronsafinálas, dadjá Deanu heaibunsearvvi ovddeš jođiheaddji, Rita Boine NRK Sápmái.
