FHI (Álbmotdearvvašvuođainstituhta) njoammunsuddjendirektevra Geir Bukholm doaivu rájáid sáhttit rahpat miessemánu loahpas jus plána mielde buot badjel 45-jahkásaččat leat ožžon vuosttaš koronavaksiinna.
– Áiggi mielde sáhttit mii rahpat rájáid ja šaddá fas dábálaš turistajohtolat, ja visot mii guoská sosiála čoahkkanemiide. Dat soaitá geavvat jo miessemánu loahpageahčen, muhto in sáhte sihkarvuođain lohpidit, dadjá Bukholm VG aviisii.
Gaskaboddosaččat lea stuorámus hehttehus ahte leat unnán vaksiinnat.
– Miessemánus ja geassemánus oažžut mii stuorra váráiduhttima. Lea measta eksponentiealla ceahkkálastin. Go leat vaksineren unna oasáža, de leat fáhkka vaksineren buohkaid guovtti mánus, dadjá Bukholm.
Olgoriikka mátkkit eai leat ávžžuhuvvon dan rájes Norga diimmá njukčamánus giddejuvvui.
