Leat golihan guokte jagi dan rájes go Norggas lei garra influeansaáigodat, muhto influeansa lea ruovttoluotta ja dearvvašvuođaeiseválddit vurdet epidemiija boahtte dálvvi.
Masá 1,6 miljovnna olbmo Norggas gullet joavkkuide geain lea lassi riska duođalaš influeansabuozalmasvuhtii. Sihke Álbmotdearvvašvuođainstituhtta ja Dearvvašvuođadirektoráhtta leat vuorjašuvvan boahkuid gokčamis.
– Mii leat guhkkin eret ulbmila ahte unnimusat 75 proseantta dáin galget oažžut influeansaboahku, dadjá Dearvvašvuođadirektoráhta direktevra Camilla Stoltenberg, ja čájeha loguide 2021-2022 áigodagas.
Stoltenberg dadjá ahte sii vurdet virusiid, mat eai leat jorran máŋgga jahkái, boahtit ruovttoluotta. Leat virusat maid vuostá lea unnán suodjalus, ja dat guoská erenomážit mánáide.
– Influeansa lea eanaš jávkan pandemiija áigge garra njoammuneastadandoaibmabijuid dihtii, ja danin lea álbmoga suodjalus influeansa vuostá unni. Muhtun mánáin ii leat goassege leamašan influeansa, ja danin lea unnán dahje ii leat immunitehta. Danin lea dehálaš ahte riskajoavkkut ožžot boahkuid dán jagi, dadjá son.
(©NTB)
