– Ferten beare geahččalit juoidá

1. Mat leat Gállábártnit?

– Dat lea diekkár nástegovva. Riekta!

2. Joatkke diidda: «Ii galgga nuolos vuoddagiin vázzit…»

– Dien gal in máhte. Mun in máhte diiddaid, mun lean nu fuotni dain. Boastut!

Rievttes vástádus: «… vai ii šatta náitalit boares leaskkain.»

3. Makkár gussa lea Muorjá?

– Ferten beare geahččalit juoidá. Iigo son dat leat diekkár nuorra, varis gussa. Boastut!

Rievttes vástádus: Muorjá lea gussa mas leat eará ivdnásaš unna dilkkožat go muđui gusas.

Go Somby ii vástidan riekta buot golbma gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.

Somby vállje alit ivnni ja mii jearrat sus dán árvalusa:

Mun manan váriid badjel, ja gávpogiid ja gilážiid čađa, muhto liikká mun in lihkat. Mii lean mun?

– Geaidnu. Riekta!

Galle čuoggá oktiibuot:11 čuoggá

Juohke gilvaleaddji beassá hástalit ođđa gilvaleaddji Ávvira geassegilvui. Elle Káre Somby hástala Sara Márjá Utsi searvat gilvui.