-Almmuhus-
-Almmuhus-
OĐĐASAT Fertejit ođđasit váldit koronaiskosa

Fertejit ođđasit váldit koronaiskosa

-

-

Buohkat geat leat «MS Roald Amundsen» fatnasis fertejit ođđasit váldit koronaiskosa, go čájehuvvui ahte eambbo olbmuin fatnasis leat koronadávdamearkkat. 

Romssa suohkan lea dal váldán ovddasvástádusa fatnasa medisiinnalaš dilis. 

– Sii geat leat erremis fatnasis leat ođđasit šaddan váldit iskosa. Eanas dain mielčuovvuin leat erremis go leat juogadan gájogiid olbmuiguin geain lea duođastuvvon koronadávda. Go olbmot, geat ledje erremis, oažžugohte koronadávdamearkkaid, de mii mearrideimmet ođđasit dárkkistit buohkaid geain ii lean positiiva iskkus ovdal, muitala suohkandoavttir Kathrine Kristoffersen. 

Dál galget sii geat leat váldán iskosa orrut iežaset gájogiin dassái go iskosa vástádusat bohtet. 

(©NTB)

- Advertisement -
-Almmuhus-